1.7 KiB
Maiyarigto daytoy iti maysa a tagtagainep, maysa a sirmata iti rabii
Ti ragup ti sasao a “maysa a sirmata iti rabii” ket “tagtagainep” met laeng. Iyunay-unay ti dua a ragup ti sasao nga iti kabiitan a panawen ket kaslanto awan sadiay ti mangraraut nga armada. (Kitaen: Doublet ken Simile)
Ti bunggoy dagiti amin a nasion
“Dagiti dadakkel nga armada ti amin a nasion”
makirangetto iti Ariel
Ti nagan nga “Ariel” ket maysa a nagan ti Jerusalem, ken ibagbagina dagiti tattao nga agnanaed sadiay. Kitaem no kasanom nga impatarus ti “Ariel” idiay Isaias 29:1. Mabalin a maipatarus a kas iti: “makirangetkayo kadagiti tattao ti Ariel” (Kitaen: Metonymy)
sarikedked daytoy. Rautendanto daytoy ken dagiti pagsamsammakedan daytoy tapno maimameg daytoy
Ti sao a “daytoy” ket dakdakamatenna ti Ariel a mangibagbagi kadagiti tattao nga agnanaed sadiay. Mabalin a maipatarus a kas iti: “ti sarikedkedda. Rautendanto ti siudad ti Ariel ken dagiti pagsamsammakedan daytoy ket parigatenda dagiti tattao iti kasta unay” (Kitaen: Metonymy)
Maiyarigto daytoy iti maysa a mabisin a tao nga agtagtagainep a mangmangan … saan a maep-ep ti pannakawawna
Ti kayat a sawen dagitoy a “simile” ket namnamaen ti kabusor ti balligida ngem mapaayda gapu ta saan a palubosan ni Yahweh a sakupenda ti Jerusalem. (Kitaen: Simile)
Wen, ket kastanto ti kaiyarigan ti bunggoy dagiti nasion a mangraraut iti Bantay Sion
Ditoy, ti “Bantay Sion” ket ibagbagina dagiti tattao nga agnanaed sadiay. Mabalin a maipatarus a kas iti: “Wen, kastoyto ti mapasamak kadagiti armada manipud kadagiti nasion a mangraut kadagiti tattao nga agnanaed idiay Bantay Sion” (Kitaen: Metonymy)