2.2 KiB
Isu a dumngegkayo iti sao ni Yahweh
“Isu a dumngegkayo iti mensahe ni Yahweh”
Nakitulagkami iti patay; babaen iti sheol naaramidmi ti katulagan
Dagitoy a salaysay ket kadawyan nga agpada ti kayatda a sawen. Dagiti mabalin a kayatda a sawen ket 1) nangaramat dagiti pangulo ti Jerusalem iti salamangka wenno panagpadles tapno makitulagda kadagiti dios iti lugar dagiti natay tapno salakniban ida dagitoy manipud iti ipapatay wenno 2) daytoy ket panangisao a mangibagbaga a nakitulag dagiti pangulo kadagiti pangulo iti Egipto. Agtalek unay dagiti pangulo ti Jerusalem a salakniban ida dagiti pangulo ti Egipto a kasla nakitulagda kadagiti dios iti lugar dagiti natay. (Kitaen: Parallelism ken Metaphor)
Isu a no lumabas ti nainget a panangukom, saannakami a maan-ano
Sarsaritaen daytoy ti panangukom ken panangdusa ni Yahweh a kasla daytoy ket maysa a saplit a mangsaplit kadagiti tattao. Ket ti saplit ket naibaga a kasla daytoy ket maysa a layus a lumabas iti Jerusalem. Mabalin a maipatarus a kas iti: “Kas pagbanaganna, inton agrigrigat ken matmatayen ti amin a tattao, awanto ti mangdangran kadatayo” (Kitaen: Metaphor)
gapu ta pinagbalinmi a sarikedked ti inuulbod, ken iti kinaulbod ti naglemmenganmi
Dagitoy a dua a ragup ti sasao ket kadawyan nga agpada ti kayatda a sawen. Ti “inuulbod” ken ti “kinaulbod” ket naibaga a kasla dagitoy ket lugar a mabalin a paglemengan ti maysa a tao. Mabalin a saan nga imbaga dagiti pangulo ti Jerusalem nga agtaltalekda iti inuulbod. Mamatida a pudno a natalgedda. Ngem ammo ni Isaias a saanda a natalged, gapu ta agtaltalekda kadagiti inuulbod. Mabalin a maipatarus a kas iti: “Ta dagiti inuulbod ken kinaulbod ket nagbalin a kasla lugar a mabalinmi a paglemmengan manipud iti peggad” (Kitaen: Parallelism ken Metaphor)
ti inuulbod ti sarikedkedmi … ti kinaulbod ti naglemmenganmi
Dagiti mabalin a kayatna a sawen ket 1) agtalek dagiti pangulo kadagiti bukodda a kinaulbod nga imbagada tapno masalakniban dagiti bagbagida wenno 2) agtalek dagiti pangulo a natalgedda gapu iti katulaganda kadagiti palso a dios iti lugar dagiti natay wenno 3) agtalek dagiti pangulo a natalgedda gapu iti katulaganda kadagiti Egipcio.