2.3 KiB
Ta nadadael ti nasarikedkedan a siudad … ken mangan kadagiti sanga daytoy
Ditoy, iladladawan ni Isaias ti maysa a pagteng a mapasamakto iti masakbayan a kasla napasamaken daytoy. Iyunay-unay daytoy a pudno a mapasamakto daytoy. (Kitaen: Predictive Past)
Ta nadadael ti nasarikedkedan a siudad, ti pagnanaedan ket napanawan ken nabaybay-an a kas iti let-ang
Mabalin a maipatarus a kas iti: “Dagiti nabibileg a siudad ken pagnanaedan dagiti adu a tattao ket agbalinto a langalang a kas iti disierto” (Kitaen: Active wenno Passive)
ti nasarikedkedan a siudad, ti pagnanaedan
Saan a dakdakamaten daytoy ti maymaysa a siudad wenno pagnanaedan ngem ketdi, dakdakamatenna dagiti amin a siudad ken pagnanaedan. (Kitaen: Generic Noun Phrases)
sadiay adda agarab a baka, ken sadiay nga aginana ken mangan
Ditoy, ti “baka” ket ibagbagina dagiti amin a baka. Mabalin a maipatarus a kas iti: “pagaraban dagiti baka, ken aginanada sadiay ken manganda” (Kitaen: Generic Noun Phrases)
Inton … dagiti sanga … saan ida a tattao ti pannakaawat
Ti panagkapoy dagiti tattao gapu iti panagsukirda kenni Yahweh tapno nalaka a dadaelen ida dagiti kabusorda ket naibaga a kasla nagangoda a sangsanga a tukkolen dagiti babbai manipud iti kayo. (Kitaen: Metaphor)
Inton magango dagiti sanga, matukkoldanto. Mapanto urnongen dagiti babbai ket pagsungrodda dagitoy
Mabalin a maipatarus a kas iti: “No magango dagiti sanga, umayto dagiti babbai ket tukkolenda sada pagsungrod dagitoy” (Kitaen: Active wenno Passive)
saan ida a tattao ti pannakaawat
Mabalin nga aramiden daytoy a nalawlawag pay. Mabalin a maipatarus a kas iti: “saan a dagitoy a tattao ti makaawat kenni Yahweh wenno iti lintegna” (Kitaen: Assumed Knowledge ken Implicit Information)
tattao
Dagiti mabalin a kayatna a sawen ket 1) dagiti “tattao” ket dakdakamatenna dagiti tattao ti Israel wenno 2) dagiti “tattao” ket dakdakamatenna dagiti tattao kadagiti ganggannaet a nasion a mangidaddadanes kadagiti tattao ti Israel.
Isu a saanto a maasi kadakuada ti Nangparsua kadakuada, ket saanto a maasian ti namarsua kadakuada
Agpada ti kayat a sawen dagitoy. Mabalin a maipatarus a kas iti: “Gapu ta saanda a maawatan, ket saanto a maasi kadakuada ni Yahweh, a nangparsua kadakuada” (Kitaen: Parallelism)