1.4 KiB
Isu nga iti daytoy a wagas
Dagiti mabalin a kayatna a sawen ket 1) ti “daytoy” ket dakdakamatenna ni Yahweh a mangpapapanaw kadagiti tattao kas nadakamat ni Isaias iti imuna a bersikulo wenno 2) ti “daytoy” ket dakdakamatenna dagiti tignay a dakamatento ni Isaias iti sumaruno a paset ti bersikulo 9.
mabayadanto ti basol ni Jacob
AT: “ikkatento ni Yahweh ti basol manipud kadagiti Israelita” wenno “pakawanento ni Yahweh dagiti basbasol dagiti Israelita” (Kitaen: Active wenno Passive)
ta daytoyto ti
Ditoy, ti “daytoy” ket dakdakamatenna dagiti tignay nga iladawanto ni Isaias iti sumaruno a paset ti bersikulo 9.
naan-anay a bunga
Sarsaritaen daytoy dagiti pagbanagan ti maysa a tignay a kasla daytoy ket bunga a dumakdakkel iti kayo wenno lanut. Mabalin a maipatarus a kas iti: “ti nagbanaganna” (Kitaen: Metaphor)
Pagbalinennanto dagiti amin nga altar a bato a kasla tisa ken napulbos, ket awanto ti agtalinaed a nakatakder nga imahen ni Asera wenno dagiti altar a pagidatdatonan iti insenso
Ditoy, ti “na” ket dakdakamatenna ni Jacob a mangibagbagi kadagiti kaputotanna. Mabalin a maipatarus a kas iti: “Dadaelendanto dagiti amin nga altar a pagidatdatonanda nga agpaay kadagiti sinan-dios, ken ikkatendanto dagiti amin a didiosen nga Asera ken dagiti altar a pagipupuoranda iti insenso nga agpaay kadagiti sinan-dios” (Kitaen: Metonymy)