1.6 KiB
Siasinoman a masarakan ket mapapatayto...siasinoman a matiliw ket matayto babaen iti kampilan
Dagitoy a dua a ragup ti sasao ket kadawyan nga agpada ti kayatna a sawen. Mabalin a maipatarus daytoy a kas iti: “Patayen dagiti kabusor iti tunggal maysa a mabirukanda babaen iti kampilan” (Kitaen: Parallelism and Active or Passive)
maibaut-baotto dagiti maladagada agingga nga agsisina ti bagida
Mabalin a maipatarus daytoy a kas iti: “Ibaot-baotto pay dagiti kabusor dagiti maladagada agingga nga agsisina ti bagbagida” wenno “Kabilento dagiti kabusor dagiti maladagada agingga a matayda” (Kitaen: Active or Passive)
Iti imatangda
Ditoy, naidilig dagiti tattao babaen “kadagiti matada” tapno iyunay-unayna ti makitkitada. Mabalin nga ilawlawag a saan a matulungan dagiti nagannak dagiti maladagada. Mabalin a maipatarus daytoy a kas iti: “iti sangoananda” wenno “ bayat ti panangbuybuya dagiti nagannakda” (Kitaen: Assumed Knowledge and Implicit Information and Synecdoche)
Matagikuanto dagiti balbalayda
Ti kayat a sawen daytoy nga amin a napapateg a banag ket matakawto manipud kadagiti balbalayda. Mabalin a maipatarus daytoy a kas iti: “Samsamento dagiti kabusorda dagiti amin a napapateg a banbanag manipud iti balbalay dagiti tattao” (Kitaen: Active or Passive)
maagaw ken maramesto dagiti assawada
Ti kayat a sawen daytoy ket darupento dagiti kabusor dagiti babbai ken pilitenda ida a makinaig kadakuada. Mabalin a maipatarus daytoy a kas iti: “maramesto dagiti assawada” wenno “ ramesento dagiti kabusorda dagiti assawada” (Kitaen: Ellipsis and Active or Passive)