3.4 KiB
Mainayon a Palawag ken Pakaammo:
Itultuloy ni Isaias nga iladawan ti ari.
saanto isuna a mangukom babaen iti makitkitana
Ti dakdakamaten dagiti ragup ti sasao a “iti makitkitana” ket ti panangkita kadagiti banag a saan a napateg iti nalinteg a panangukom iti maysa a tao. Mabalin a maipatarus daytoy a kas iti: “Saanna nga ukomen ti maysa a tao babaen iti panangkita laeng iti langa iti dayta a tao.” (Kitaen: AssumedKnowledge and Implicit Information)
mangikeddeng babaen iti mangmangngegna
“ken saan isuna a mangikeddeng segun iti mangmangngegna.” Ti dakdakamatenna ti ragup dagiti sasao a “ti mangmangngegna” ket ti panangdengngeg ti ibagbaga dagiti tattao maipapan iti maysa a tao. Mabalin a maipatarus daytoy a kas iti: “ken saanna nga ukomen ti maysa a tao babaen iti panangdengngegna iti ibagbaga dagiti dadduma maipapan kenkuana” (Kitaen: Assumed Knowledge and Implicit Information)
dagiti nakurapay ... kadagiti napakumbaba ... dagiti nadangkes
Ti dakdakamaten dagitoy a ragup ti sasao ket dagiti tattao nga addaan kadagitoy a kababalin. Mabalin a maipatarus daytoy a kas iti: “nakurapay a tattao…napakumbaba a tattao…nadangkes a tattao” (Kitaen: Nominal Adjectives)
Dusaennanto ti daga babaen iti pang-or ti ngiwatna ... babaen iti anges ti bibigna, papatayennanto dagiti nadangkes
Dagitoy a dua a ragup ti sasao ket agpada ti kayatna a sawen. (Kitaen: Parallelism)
Dusaennanto ti daga babaen iti pang-or ti ngiwatna
Ti dakdakkamatenna ti sao a “daga” ditoy ket dagiti tattao iti rabaw ti daga. Ti panangdusa kadakuada babaen iti baot ti ngiwatna ket maipapan iti panangukomna kadakuada, ket dayta a panangukom ket agturong iti pannakadusa. Mabalin a maipatarus daytoy a kas iti: “Ukomennanto dagiti tattao iti daga, ken madusadanto” (Kitaen: Metonymy)
babaen iti anges ti bibigna, papatayennanto dagiti nadangkes
Ti dakdakamaten ti “anges ti bibigna” ket isuna a mangdusdusa kadakuada. Mabalin a maipatarus daytoy a kas iti: “ukomenna dagiti nadadangkes a tattao, ken mapapataydanto” (Kitaen: Metonymy)
ti barikes ti siketna ... ti barikes ti patongna
Dagiti mabalin a kayatna a sawen ket 1) ti barikes ket mausar a mangtengngel ti bado ti maysa a tao tapno makatrabaho isuna, wenno 2) ti barikes ket akin-uneg a kawes, wenno 3) ti barikes ket maysa a tali nga ibarbarikes ti ari tapno ipakitana ti kinaturayna.
Kinalintegto ti barikes ti siketna
Ti panangibarikes iti kinalinteg ket ibagbagina ti kinalinteg ti maysa a tao. Dagiti mabalin a kayatna a sawen ket 1) ti kinalinteg ti ari ket mangted kenkuana iti kabaelan a mangituray. Mabalin a maipatarus daytoy a kas iti: “Ti kinalintegna ket maiyarig iti barikes iti siketna” wenno 2) ipakitanto ti ari ti kababalinna a mangituray. Mabalin a maipatarus daytoy a kas iti: “Agturay isuna a sililinteg” (Kitaen: Metaphor)
ti kinapudnonto ti barikes ti patongna
Dagiti sasao a “to” ket maawatan iti daytoy a ragup ti sasao. Mabalin a maipatarus daytoy a kas iti: “ti kinapudnonto ti barikesna iti patongna” (Kitaen: Ellipsis)
ti kinapudnonto ti barikes ti patongna
Ti panangibarikes iti kinapudno ket maipapan iti kinapudno ti maysa a tao. Dagiti mabalin a kayatna a sawen ket 1) ti kinapudno ti ari ket mangted kenkuana iti kabaelan nga agturay, 2) ipakitanto ti kinapudno ti ari iti kababalinna a mangituray. Mabalin a maipatarus daytoy a kas iti: “ti kinapudnona ket agbalin a kas barikes iti patongna” wenno “agturay isuna a sipupudno” (Kitaen: Metaphor)