2.4 KiB
Sapasap a Pakaammo:
Itultuloy nga iladladawan ni Isaias ti tiempo a panangisalakanto ni Yahweh kadagiti tattaona. Uray no mapasamak to pay laeng dagitoy iti masakbayan (Isaias 9:1-2), Iladladawan ida ni Isaias a kasla napasamaken dagitoy. Iunay-unay daytoy a sigurado a mapasamakdanto. (Kitaen: Predictive Past)
Ta ti sangol ti dadagsenna ... tinukkolmo a kas iti aldaw dagiti taga-Midia
Sarsaritaen ni Isaias dagiti Israelita a tagabu dagiti taga-Asiria a kasla da baka a nakapako iti maysa a sangol. Mapasamakto daytoy iti masakbayan, ngem sarsaritaenna daytoy a kasla napasamaken. Mabalin a maipatarus daytoy a kas iti: “Ta kas iti aldaw ti taga-Midia, wayawayaamto dagiti tattao ti Israel manipud iti panangtagabu kadakuada dagiti mangparparigat kadakuada a kas iti panangikkat ti maysa a tao iti sangol manipud iti teltel ti maysa nga ayup.” (Kitaen: Metaphor and Predictive Past)
Ta ti sangol ti dadagsenna ... iti abagana ... ti mangidaddadanes kenkuana
Sarsaritaen ni Isaias dagiti tattao ti Israel a kasla da la maysa a tao. Mabalin a maipatarus daytoy a kas iti: “Ta ti sangol ti dadagsenda … dagiti teltelda … dagiti mangparparigat kadakuada” (Kitaen: Metaphor)
ti biga nga adda itiabagana
Ti kayo a padagsen ket paset ti sangol a maiparabaw iti teltel ti baka.
biga
Maysa pay a mabalin a kaipapananna ket “sarukod” a maysa a pidaso ti atiddog a kayo nga pangbaot ti maysa a tao kadagiti baka tapno agtrabaho dagitoy ken maysa a simbulo ti pannakabalin ti maysa a tao a mangituray kadagiti sabali a tattao.
ti sarukod ti mangidaddadanes kenkuana
Sarsaritaen ni Isaias ti panangituray ti tao a mangparparigat kadagiti tattao ti Juda a kasla la daytoy ket maysa a pidaso ti kayo nga us-usaren ti maysa a tao a pangbaot kadagiti baka tapno agtrabahoda. (Kitaen: Metaphor)
kas iti aldaw dagiti taga-Midia
Ti sao nga “aldaw” ket maysa pay a sao a panangdakamat iti maysa a pasamak a mapasamakto kalpasan iti sumagmamano nga aldaw. Mabalin a maipatarus daytoy a kas iti: “a kas idi pinarmekmo dagiti taga-Midia” (Kitaem: Idiom)
tunggal botas a mangbadbaddek iti pagrarangetan ken dagiti kawes a nadaraan ket mapuoranto
Mabalin a maipatarus daytoy a kas iti: “puoramto dagiti sapatos dagiti soldado ken dagiti pagan-anayda a nadarupespes iti dara” (Kitaen: Active or Passive)
maisungrodto iti apuy
Mabalin a maipatarus daytoy a kas iti: “napuoran. Isungrodmonto iti apuy dagiti sapatos ken dagiti pagan-anay”