2.3 KiB
Maikkatto ti saem nga adda kenkuana nga agsagsagaba
Sarsaritaen ni Isaias dagiti tattao a naiyaw-awan a naispirituan a kasla magmagnada iti naan-anay a kinasipnget. Mabalin a maipatarus daytoy a kas iti: “Ikkatento ni Yahweh ti kinasipnget manipud kenkuana a maladladingitan” (Kitaen: Metaphor and Active or Passive)
ti saem
Ti kaipapanan daytoy a sao ket “paset a nasipnget wenno naan-anay a kinasipnget.” Ipatarusmo daytoy a sao a kas iti panangipatarusmo iti “saem” idiay Isaias 08:22.
kenkuana nga agsagsagaba
“Isuna nga agsagsagaba iti kasta unay nga ut-ot ken kinaladingit.” (Kitaen: Metaphor)
Iti naglabas a tiempo, pinabainanna ti daga ti Zabulun ken ti daga ti Naftali
Dakdakamaten ti sao a “daga” dagiti tattao nga agnanaed iti dayta a disso. Mabalin a maipatarus daytoy a kas iti: “Iti naglabas, impababa ni Apo dagidiay nga agnanaed iti Zabulun ken Neftali” (Kitaen: Metonymy)
ngem iti masangoanan a tiempo, pagbalinennanto daytoy a nadayag, ti dalan a mapan iti baybay, iti ballasiw ti Karayan Jordan, Galilea dagiti nasion
Dakdakamaten ditoy ti sao a “daytoy” ti Galilea a mangibagbagi kadagiti tattao nga agnanaed sadiay. Mabalin a maipatarus daytoy a kas iti: “ngem iti masakbayan, padayawanto ti Apo dagiti tattao ti Galilea kadagiti nasion, nga adda iti dalan iti nagbaetan ti Baybay Mediterranean ken ti Karayan Jordan” (Kitaen: Metonymy)
Galilea dagiti nasion
Ibagbagi ti sasao a “dagiti nasion” ditoy dagiti tattao manipud kadagiti sabali a nasion nga agnanaed idiay Galilea. Mabalin a maipatarus daytoy a kas iti: “Iti Galilea a pagnanaedan dagiti adu a ganggannaet” (Kitaen: Metonymy)
Dagiti tattao nga agbibiag iti kinasipnget ... dagiti nagnanaed idi iti daga ti aniniwan ni patay
Sarsaritaen ni Isaias dagiti tattao nga agbibiag iti basol ken agsagsagaba gapu iti daytoy a kasla da magmagna iti kasipngetan wenno agnanaed iti daga ti aniniwan ni patay. (Kitaen: Metaphor)
ti naindaklan a lawag ... rinanniagan ida ti lawag
Ibagbagi ti “lawag” ditoy ti namnama ken pannakaisalakan. (Kitaen: Metaphor)
iti daga ti aniniwan ni patay
Ti kaipapanan ti ragup ti sasao nga “aniniwan ni patay” ket naan-anay a kinasipngetna. Mabalin a maipatarus daytoy a kas iti: “ti daga a nakaro ti kinasipngetna” (Kitaen:Idiom)