1.8 KiB
Sapasap a Pakaammo:
Mabalinmo nga ipatarus daytoy a kasla ni Yahweh ti mismo nga agsasao. (Kitaen: Direct and Indirect Quotations ken Pronouns)
Agbalinto isuna a santuario
Ti sao a santuario ket dakdakamatenna ni Yahweh nga agtultuloy a mangsalsalaknib kadakuada. Mabalin a maipatarus daytoy a kas iti: “Salaknibanna ida no umasidegda kenkuana” (Kitaen: Metaphor)
ngem agbalinto isuna a bato a maitama kadakuada, ken dakkel a bato a pakaitibkolanda
Ti ragup ti sasao a “bato a maitama” ken “dakkel a bato a pakaitibkolanda” ket agpada a ti dakdakamatenda ti panangdangran ni Yahweh kadagiti tattaona. Naipatarus ti “maitama” ken “pakaitibkolanda” iti dadduma a kas “pakaitibkulan” ken “pakatnagan”; dagiti dadduma met ket impatarusda a kas “mangdangran” ken “pakaitibkulan.” Mabalin a maipatarus daytoy a kas iti: “dangranna dagiti tattao a kas iti bato a pakaitamaan dagiti saka dagiti tattao ken pakaitibkulanda, ken kasla bato a pakaigapuan iti pannakatumba dagiti tattao” (Kitaen: Doublet ken Metaphor)
agbalinto isuna a silo ken palab-og kadagiti tattao ti Jerusalem
Dagiti sasao a “silo” ken “palab-og” ket kasla maymaysa ti kaipapananna ken mangiyunay-unay nga inton dusaen ni Yahweh dagiti tattao ti Jerusalem, saandanto a makalibas. Mabalin a maipatarus daytoy a kas iti: “Siloanna dagiti tattao ti Jerusalem tapno saanda a malibasan isuna.”
Adunto iti maitibkol iti daytoy ket matumbada, marumekrumekda, ken masiluandanto ket matiliwda
Mabalin a maipatarus daytoy a kas iti: “Adunto a tao ti maitibkol kadagiti bato, ket inton maitublakda, saandanton a makabangon. Ket adunto a tattao ti makabaddek iti dayta a palab-og, ket saandanton a makaruar”
masiluandanto ket matiliwda
Agpada ti kayat a sawen dagitoy a sasao ken mangiyunay-unay a mapalab-ogandanto. (Kitaen: Doublet)