2.2 KiB
Timmakder ni Yahweh tapno mangngeddeng iti pangukoman; timmakder isuna tapno ukomenna dagiti tattaona
Ibagbaga ni Isaias ti pangngeddeng ni Yahweh a mangdangran kadagiti tattao a kasla mangiy-iyeg ni Yahweh iti legal a pammabasol iti maysa a pangukoman a maibusor kadagiti tattao ti Israel. Mabalin a maipatarus daytoy a kas iti: "Daytoy ket kasla innala ni Yahweh ti lugarna iti maysa a pangukoman ket nakasaganan a mangakusa kadagiti tattao" (Kitaen: Metaphor ken Parallelism)
Ibaganti ... ti pangngeddengna
Naibaga ti pangngeddeng a kasla maysa daytoy a banag a mabalin nga ipan ti maysa a tao iti sabali a tao. Mabalin a maipatarus daytoy a kas iti: "ipablaaknanto ti pangngeddengna" wenno "iwaragawagnanto ti pangngeddengna" (Kitaen: Metaphor)
Inibusyo ti kaubasan
Ditoy, dakdakamaten ti "yo" (dinadaelyo) dagiti panglakayen ken mangiturturay. Sarsaritaen ni Yahweh dagiti tattaona a kasla isuda ket maysa a kaubasan. Kas iti maysa a tao a saan a nagballigi a mangaywan iti maysa a kaubasan isu a saanen nga agbunga iti adu nga ubas dagiti lanut, up-upayen dagiti panglakayen ken dagiti pangulo dagiti Israelita iti panagserserbida iti Dios. Mabalin a maipatarus daytoy a kas iti: "Maiyarig iti maysa a kaubasan dagiti tattaok, ket dinadaelyo daytoy" (Kitaen: Forms of You ken Metaphor)
ti nasamsam manipud kadagiti marigrigat ket adda kadagiti balbalayyo
"dagiti banbanag nga innalayo kadagiti marigrigat ket adda kadagiti balbalayyo"
a tumekenyo dagiti tattaok
Naibaga ti pagsagabaen dagiti tattao a kasla daytoy ket tumtumeken babaen iti maysa a nakadagdasen unay a banag. Mabalin a maipatarus daytoy a kas iti: "siraranggas a dangdangran dagiti tattaok" (Kitaen: Metaphor)
gilingenyo ti rupa dagiti marigrigat
Naibaga ti pagsagabaen dagiti tattao a kasla daytoy ket idumdumudom dagiti rupada iti daga. Mabalin a maipatarus daytoy a kas iti: "dangran dagiti marigrigat ken pagsagabaen ida" (Kitaen: Metaphor)
Daytoy ti pakaammo ti Apo, ni Yahweh a Mannakabalin-amin
Sarsaritaen ni Yahweh ti bagina babaen iti nagan tapno iyebkasna ti kinapudno iti ipakpakaammona. Mabalin a maipatarus daytoy a kas iti: "daytoy ti impakaammo ni Yahweh a Mannakabalin-amin" (Kitaen: First, Second, wenno Third Person)