2.1 KiB
Sapapsap a Pakaammo:
Idiay 2:5, makisarsarita ni Isaias kadagiti tattao ti Juda, ken idiay 2:6, makisarsarita isuna kenni Yahweh. Iti agpada a tiempo, makisarsarita isuna babaen iti maysa a daniw. (Kitaen: Parallelism)
umaykayo
maysa a naalumanay a panangallukoy nga aramiden ti ibaga ti agsasao kadagiti agdengdengngeg nga aramidenda
magnatayo iti lawag ni Yahweh
Sarsaritaen ni Isaias dagiti tattao nga agsursuro ken mangar-aramid iti kayat ni Yahweh nga aramidenda a kasla magmagnada iti rabii nga addaan ti silaw nga impaay ni Yahweh tapno makitada ti dalan. Mabalin a maipatarus daytoy a kas iti: "sursuroentayo no kasano ti kayat ni Yahweh a panagbiagtayo ket agbiagtayo iti kasta a wagas" (Kitaen: Metaphor)
Ta binaybay-am dagiti tattaom
"Ta pinanawam dagiti tattaom" ket awan bibiangmo iti mapasamak kadakuada. Ditoy, dakdakamaten ti sao nga "am" (pinanawam) ni Yahweh ket isu ngarud a pangmaysa. (Kitaen: Pronouns)
napnoanda kadagiti kaugalian manipud iti daya
Agsasao ni Isaias a kasla dagiti tattao ket pagkargaan a napno iti maysa a banag a nagtaud iti daya. Dagiti mabalin a kaipapananna nga ibagbagan ket 1) dagiti aramid nga ar-aramiden dagiti taga-daya. Mabalin a maipatarus daytoy a kas iti: "ar-aramidenda iti amin a tiempo dagiti dakes nga aramid nga ar-aramiden dagiti tattao nga agnanaed kadagiti daga iti daya ti Israel" wenno 2) dagiti tattao, nangnangruna dagidiay agibagbaga a kabaelanda ti makisarita kadagiti natay a tattao, a naggapu iti daya nga agaramid kadagiti dakes nga aramid. Mabalin a maipatarus daytoy a kas iti: "adu kadagiti mammuyon ket naggapu iti daya ken agnanaeddan ita sadiay" (Kitaen: Metaphor ken Assumed Knowledge ken Implicit Information)
agbuybuyon
tattao nga agibagbaga a kabaelanda ti agibaga iti masakbayan babaen iti panangkitada kadagiti banbanag a kas kadagiti paset ti ayup ken bulbulong
makial-alamanoda kadagiti annak dagiti ganggannaet
Ti panaginneggem iti ima wenno ti panaginnalamano ket maysa a pagilasinan ti panaggayyem ken kapia. Mabalin a maipatarus daytoy a kas iti: "nakikappia ken nakipagtrabahoda kadagiti tattao a saan a taga-Israel" (Kitaen: Symbolic Action)