1.3 KiB
Sapasap a Pakaammo:
Sarsaritaen ni Oseas a profeta ti maipapan iti Israel.
nakusit a timbangan
Agusar dagiti aglaklako kadagiti pagtimbangan a nakusit ti panangrukod daytoy iti dagsen ti kuarta wenno dagiti banbanag a gatgatangen ken ilaklakoda.
pagay-ayatda ti agkusit
Sasauren dagiti aglaklako dagiti aggatgatang kadakuada babaen iti panagul-ulbodda ken makagun-odda iti ad-adu a kuarta ngem iti rumbeng a gatad a maawatda.
Awan duadua a nagbalinakon a
nakabakbaknang; nakasarakak ti kinabaknang Agpada ti kayat a sawen dagitoy dua a ragup ti sasao nga ibilang dagiti tattao ti Efraim a nakarangrang-ayda unay. (Kitaen: Parallelism)
nakasarakak ti kinabaknang
Ti panagbalin a nabaknang babaen iti panaglako ken panaggatang ket naibaga a kas iti panangbirbirok ti kinabaknang. Mabalin nga ipatarus daytoy a kas: “Napaaduk ti kuarta” (Kitaen: Metaphor)
awan ti masarakanda nga aniaman a basol kaniak, aniaman a banag a basol
Agpada a banag ti kayat a sawen dagitoy dua a ragup ti sasao a mangiyunay-unay nga ibilang dagiti tattao ti Efraim nga awan ti pagkuranganda. Ti panangammo a nagbasol ti maysa a tao ket naibaga a kasla panangbirbirok ti basol dayta a tao. Mabalin nga ipatarus daytoy a kas: “saandanto a matakuatan a nakaaramidak iti aniaman a basol” (Kitaen: Doublet and Metaphor)