1.7 KiB
Sapasap a Pakaammo:
Agsasao ni profeta Oseas.
Mapakpakan ti Efraim iti angin
Ditoy ibagbagi ti “Efraim” dagiti amin a tattao ti Israel. Ibagbagi pay ti “angin” iti maysa a banag nga awan serserbina wenno banag a saan nga agbayag. Ti panagar-aramid dagiti tattao ti Israel kadagiti banbanag a saan a makatulong kadakuada ket naibaga a kasla kankanenda ti angin. (Kitaen: Synecdoche and Metaphor)
sumursurot iti angin ti daya
Ti angin iti daya ket napudot unay ket makadadael iti daga. Ipakpakitana ditoy ti aniaman a banag a makadadael. Ti panagar-aramid dagiti tattao kadagiti banbanag a mangdadaelto kadakuada ket naibaga a kasla sursurotenda ti angin iti daya. (Kitaen: Metonymy and Metaphor)
mangipanda kadagiti lana ti olibo idiay Egipto.
Nangipatulod dagiti tattao ti Israel iti lana ti olibo a kas sagut iti ari ti Egipto tapno padasenda nga allukoyen isuna a mangtulong kadakuada.
Adda pay pammabasol ni Yahweh a maibusor iti Juda
Ti panangibaga ni Yahweh a nagbasol kenkuana dagiti tattao ti Juda ken linabsingda ti katulaganna ket naibaga a kasla pabpabasolen ida ni Yahweh iti pagukoman. Kitaenyo no kasano a naipatarus daytoy nga agpada a ragup ti sasao idiay Oseas 4:1. (Kitaen: Metaphor)
a maibusor iti Juda… dusaennanto ni Jacob gapu iti inaramidna… singirennanto isuna gapu kadagiti aramidna
Ditoy, agpada nga ibagbagi ti “Juda” ken “Jacob” dagiti tattao ti Juda. Mabalin nga ipatarus daytoy a kas: “a maibusor kadagiti tattao ti Juda… dusaem ida gapu iti inaramidda… pagbayadem ida gapu kadagiti aramidda” (Kitaen: Doublet and Metonymy)
pammabasol
Reklamo daytoy ti maysa a tao a maibusor iti sabali a tao iti pagukoman ti linteg. Kitaenyo no kasano a naipatarus daytoy idiay Oseas 2:2.