1.6 KiB
Sapasap a Pakaammo:
Sarsaritaen ni Yahweh ti maipapan iti Israel.
Ti kinatangsit ti Israel ket agsaksaksi maibusor kenkuana
Iladladawanna daytoy ti “kinatangsit” a kas iti maysa a tao nga agsaksi a maibusor kadagiti tattao ti Israel iti pagukoman. Ti kinatangsitda ken kagagaladda ti mangipakita a nagbiddutda iti saandan a panagtultulnog kenni Yahweh. (Kitaen: Personification)
isu a maitibkolto ti Israel ken Efraim kadagiti biddutda; ken maitibkolto met kadakuada ti Juda
Dagiti dua a pagarian ket agbalinto a naan-anay a nasukir iti Dios gapu iti kinatangsit ken basolda. (Kitaen: Idiom)
Saanda a napudno kenni Yahweh gapu ta naaddaanda kadagiti annak a saan a mayannatup ti linteg ti panagkasar
Dagiti mabalin a kaipapananna ket 1) ti kayat a sawen daytoy ket as-asawaen dagiti Israelita dagiti tattao manipud iti sabali a nasion ket maad-addaanda kadagiti annak kadakuada wenno 2) ti kayat a sawen daytoy ket saan a napudno dagiti nagannak dagiti Israelita kenni Yahweh ken isursurroda dagiti annakda nga agdayaw kadagiti didiosen.
Ita, ikisapto ida dagiti panagrambak ti baro a bulan agraman dagiti talonda
Dagiti tattao ti Israel ket agrambak koma bayat iti baro a bulan. Nailadawan ditoy ti fiesta ti baro a bulan a kasla maysa a narungsot nga ayup a mangan kadagiti tattao ken kadagiti taltalonda. Nupay kasta, narigat nga ipalawag daytoy a panangiyebkas; adu a bersion ti mangipalawag daytoy nga awan unay ti nalawag a kaipapananna. Nupay kasta, ti sapasap a kaipapananna ket dusaento ti Dios dagiti tattao gapu kadagiti kinasukirda kenkuana. (Kitaen: Personification)