1.8 KiB
Sapasap a Pakaammo:
Agsasao ni Yahweh kenni Oseas.
Idarumyo
Daytoy ket darum ti maysa a tao a maibusor iti sabali a tao iti pagukoman.
ti inayo
Ditoy, ti dakdakamaten ti “ina” ket ti nasion ti Israel. (Kitaen: Metaphor)
ta saan nga isuna ti asawak
Ibagbaga ni Yahweh a ti Israel ket naisao ditoy a kas maysa a babai, ket saanen nga agtigtignay a kas asawa kenni Yahweh. Ngem ketdi, timmalikud ti Israel manipud iti panagtulnog ken panagdaydayaw kenkuana. (Kitaen: Metaphor)
ken saan met a siak ti asawana
Saanen a pulos a makinaig ni Yahweh a kas asawa iti nasion nga Israel kas iti ar-aramiden ti asawa a lalaki iti asawana. (Kitaen: Metaphor)
ti pannakikamalalana
Ti asawa a mannakikamalala ket pinanawanna ti asawana tapno makikaidda iti sabali a lalaki. Kastoy ti ar-aramiden ti Israel kenni Yahweh. (Kitaen:Metaphor)
iti nagbaetan dagiti susona
Daytoy a ladawan ket ibagbagana nga agtaltalek ti Israel kadagiti didiosen saan a kenni Yahweh. (Kitaen: Metaphor)
Labusakto isuna ket ipakitak ti kinakalamolamona kas iti aldaw a pannakaipasngayna
Saanton a pulos a salakniban ken isabet ni Yahweh ti kasapulan ti Israel gapu ta timmallikud kenkuana ti nasion. Iti Israel, dagiti assawa a lallaki ti akinrebbeng a mangipaay kadagiti kawes para kadagiti assawada kas maitutop iti linteg. Ti saan a panangipaay kadagitoy ket maysa a pagilasinan a linaksid ti asawa a lalaki ti asawana. (Kitaen: Metaphor and Assumed Knowledge and Implicit Information)
Pagbalinek isuna a kas iti let-ang
Baliwan ni Yahweh ti Israel nga aglanga a let-ang, rehiyon nga awan iti agnanaed ken saan a nadam-eg. (Kitaen: Simile)
matayto isuna gapu iti pannakawaw
Ditoy dakdakamaten ti “waw” ti rumbeng a panangidayaw ken panagtalek kenni Yahweh, saan a kadagiti didiosen, wenno saanto a makalasat ti Israel a kas maysa a nasion. (Kitaen: Metaphor)