2.3 KiB
Dimteng kaniak ti sao ni Yahweh
Maysa daytoy nga “idiom” a naaramat tapno ipakaammo ti maysa a banag nga imbaga ti Dios kadagiti profetana wenno kadagiti tattaona. Kitaen no kasano a naipatarus daytoy idiay Ezekiel 3:16. Mabalin nga ipatarus daytoy a kas: “Imbaga ni Yahweh daytoy a mensahe” wenno “imbaga ni Yahweh dagitoy a sasao” (Kitaen: Idiom)
iturongmo ti rupam kenni Gog, iti daga ti Magog, ti pangulo iti Mesec … Tubal
Maysa daytoy a bilin a matmatan ni Gog ken ti Magog a kas simbolo ti panangdusdusa kadagiti tattao sadiay. Kitaen no kasano a naipatarus ti kapada daytoy a ragup ti sasao idiay Ezekiel 4:3. Mabalin nga ipatarus daytoy akas: “Matmatam ti daga ti Magog ken ni Gog, ti pangulo a prinsipe … Tubal” wenno “Matmatam ni Gog, ti pangulo a prinsipe … Tubal, ken ti daga ti Magog tapno madangranda” (Kitaen: Symbolic Action)
iturongmo ti rupam
Ditoy, ti “rupa” ket maysa a “metonym” para iti panangipangag wenno panangkita, ken ti “iturongmo ti rupam” ket ibagbagina ti panangmatmat. Mabalin nga ipatarus daytoy a kas: “matmatan” (Kitaen: Metonymy)
Gog, iti daga ti Magog
Ilawlawag daytoy a ti Magog ket ti daga nga iturturayan ni Gog. Mabalin nga ipatarus daytoy a kas: “Ni Gog a mangiturturay iti daga ti Magog” (Kitaen: Assumed Knowledge ken Implicit Information)
Gog
Daytoy ket nagan ti maysa a pangulo wenno ari a nagturay iti daga ti Magog. (Kitaen: How to Translate Names)
Magog
Daytoy ket nagan ti maysa a nagkauna a nasion a mabalin a masarakan iti daga a maawagan ita ti Turkey. Ti Magog ket mabalin a ti sigud a nasion ti Lydia.
ti pangulo iti Mesec ken Tubal
Daytoy a salaysay ket naulit kadagitoy a bersikulo. Naipatarus ti dadduma a baro a bersion daytoy a Hebreo a salaysay a kas “ti pangulo ti Ros, Mesec ken Tubal.” Daytoy ket maysa pay a titulo para kenni Gog. Mabalin nga ipatarus daytoy a kas: “nga isu ti pangulo a prinsepe ti Mesec ken Tubal” (Kitaen: Assumed Knowledge ken Implicit Information)
Mesec … Tubal
Kitaen no kasano a naipatarus dagitoy a nagan idiay Ezekiel 32:26.
Kitaem!
Iyunay-unay daytoy ti kinapateg ti sumaruno a salaysay. Mabalin nga ipatarus daytoy a kas “Kitaen!” wenno “Dumngeg!” wenno “Ipangagyo ti ibagak kadakayo!”
maibusorak kenka
Ti kayat a sawen daytoy nga “idiom” ket “Siak ti kabusormo.” (Kitaen: Idiom)