2.3 KiB
dimteng kaniak ti sao ni Yahweh
Maysa daytoy nga “idiom” a naaramat tapno ipakaammo ti maysa a banag nga imbaga ti Dios iti profetana wenno kadagiti tattaona. Kitaen no kasano a naipatarus daytoy idiay Ezekiel 3:16. Mabalin nga ipatarus daytoy a kas: “Imbaga ni Yahweh daytoy a mensahe” wenno “Imbaga ni Yahweh dagitoy a sasao” (Kitaen: Idiom)
Anak ti tao
“Anak ti sangkatauan.” Aw-awagan ti Dios ni Ezekiel iti kastoy tapno iyunay-unayna a tao laeng ni Ezekiel. Ti Dios ket agnanayon ken mannakabalin, ngem dagiti tattao ket saan. Kitaen no kasano a naipatarus daytoy idiay Ezekiel 2:1. Mabalin nga ipatarus daytoy a kas: “Mortal a tao” wenno “Tao”
ti balay ti Israel
Ditoy, ti “balay” ket ibagbagina dagiti tattao. Mabalin nga ipatarus daytoy a kas: “dagiti tattao ti Israel” (Kitaen: Metonymy)
babaen kadagiti wagas ken aramidda
“babaen iti panagbiagda ken kadagiti banbanag nga inaramidda”
Maiyarig dagiti wagasda iti narugit a panagregla ti maysa a babai iti sangoanak
Idildilig ti panagtignay dagiti tattao kadagiti narugit a lupot nga inaramat ti maysa a babae nga agregregla. Iyunay-unay daytoy ti kinarimon dagiti kagagaladda kenni Yahweh. Mabalin nga ipatarus daytoy a kas: “Makarimon kaniak dagiti wagasda a kas iti narugit a panagregla ti maysa a babai” (Kitaen: Simile)
panagregla ti maysa a babai
ti dara a binulan a rumrumuar iti maysa a babai no saan isuna a masikog
imparukpokko ti pungtotko maibusor kadakuada
Ti panangdusdusa ni Yahweh kadagiti tattao gapu ta makaunget isuna ket naisao a ti pungtotna ket kasla danum nga imbukbokna. Mabalin nga ipatarus daytoy a kas: “Nangaramidak kadakuada kadagiti banbanag a nangipakita no kasano ti kinaungetko” (Kitaen: Metaphor)
gapu iti dara a pinagsayasayda iti daga
Maysa daytoy nga “idiom” a dakdakamatenna ti panangpatay iti maysa a tao. Mabalin nga ipatarus daytoy a kas: “gapu ta pinagsayasayda iti daga ti dara dagiti adu a tattao” wenno “gapu ta pinapatayda ti adu a tattao” (Kitaen: Idiom)
para iti panangrugitda iti daytoy babaen kadagiti didiosenda
Dagiti tattao nga agdaydayaw kadagiti didiosen ket naibaga a kasla dagiti didiosen ti nangrugit iti daga. Mabalin nga ipatarus daytoy a kas: “gapu ta rinugitanda ti daga babaen kadagiti didiosenda” (Kitaen: Metaphor)