2.3 KiB
Sapasap a Pakaammo:
Itultuloy daytoy ti mensahe ni Yahweh kadagiti bantay ti Israel. Naigagara ti mensahe para kadagiti tattao ti Israel.
ibagbagada kadakayo
“ibagbaga dagiti dadduma a nasion kadakayo a bantay”
Patpatayenyo dagiti tattao
Awan ti umanay a taraon nga agtubtubo idiay Israel isu a matay dagiti tattao ket naibaga a kasla patpatayen dagiti bantay dagiti tattao. Mabalin nga ipatarus daytoy a kas: “Impalubosyo a natay dagiti adu a tattao” (Kitaen: Metaphor)
natay dagiti annak ti nasionyo
“impalubosyo a matay dagiti annak dagiti tattaoyo.” Daytoy ket nalawag a dagiti bantay ti nangarmid iti daytoy babaen iti saan a panangpadakkel kadagiti nasayaat a mula. Mabalin daytoy nga ilawlawag a kas idiay UDB. (Kitaen: Assumed Knowledge ken Implicit Information)
saanyonton a papatayen pay dagiti tattao
Awan ti umanay a taraon nga agtubtubo idiay Israel isu a matay dagiti tattao ket naibaga a kasla patpatayen dagiti bantay dagiti tattao. Mabalin nga ipatarus daytoy a kas: “saanyonto nga ipalubos a matay dagiti tattao” (Kitaen: Metaphor)
Kastoy ti pakaammo ti Apo a ni Yahweh
Sarsaritaen ni Yahweh ti mismo a naganna tapno iyebkasna ti kinapudno ti ipakpakaammona. Kitaen no kasano a naipatarus daytoy idiay Ezekiel 5:11. Mabalin nga ipatarus daytoy a kas: “Kastoy ti impakaammo ti Apo a ni Yahweh” wenno “Siak ti Apo a ni Yahweh, kastoy ti impakaammok” (Kitaen: First, Second, wenno Third Person)
Wenno saankonton nga ipalubos a mangngegyo dagiti pananglais dagiti nasion
Sarsaritaen daytoy dagiti bantay a kasla mangngeg dagitoy no laisen ida dagiti tattao. Mabalin nga ipatarus daytoy a kas: “Saankonton nga ipalubos a laisendakayo dagiti dadduma a nasion” (Kitaen: Personification)
saanyonton a baklayen ti panangibabain dagiti tattao
Ti pannakapadpadas iti pannakaibabain ket naibaga a kasla maawit dagiti bantay ti pannakaibabain. Mabalin nga ipatarus daytoy a kas: “Saandakayonto a pabainan dagiti tattao” (Kitaen: Personification ken Metaphor)
wenno saankonton nga ipalubos a mapasag ti nasionyo
Ditoy, ti “mapasag” ket maysa nga “idiom” a ti kayatna a sawen ket maparmek iti gubat. Mabalin nga ipatarus daytoy a kas: “wenno saankonton nga ipalubos a mapadasan dagiti tattaoyo ti maparmek” (Kitaen: Idiom)