1.8 KiB
Sapasap a Pakaammo:
Itultuloy daytoy ti mensahe ni Yahweh kadagiti bantay ti Israel. Naigagara ti mensahe para kadagiti tattao ti Israel.
Isu a paaduekto kadakayo
Agsasao ni Yahweh kadagiti bantay. Mabalin a salaysayen daytoy iti nalawlawag. Mabalin nga ipatarus daytoy a kas: “Ngarud, paaduekto dagiti tattao kadakayo a bantay ti Israel” (Kitaen: Assumed Knowledge ken Implicit Information)
umadoda ken agbungadanto
Ditoy, ti “agbungadanto” ket maysa nga “idiom” a ti kayatna a sawen ket maaddaan iti adu nga annak ken kaputotan. Mabalin nga ipatarus daytoy a kas: “agbalindanto nga adu unay a tattao ken maaddaandanto iti adu unay nga annak” (Kitaen: Idiom)
mapagnaedankayo a kas iti napalabas
Mabalin nga ipatarus daytoy a kas: “dagiti tattao nga agnaed kadakayo a bantay a kas iti inaramidda idi” (Kitaen: Active wenno Passive)
maammoanyonto a siak ni Yahweh
Idi imbaga ni Yahweh a maammoanto dagiti tattao nga isuna ni Yahweh, ipakpakaawatna a maammoandanto nga isuna ti pudno a Dios nga addaan iti kangatoan a turay ken pannakabalin. Kitaen no kasano a naipatarus daytoy idiay Ezekiel 6:7. Mabalin nga ipatarus daytoy a kas: “awatem a siak ni Yahweh, ti pudno a Dios” wenno “amirisem a siak, a ni Yahweh ket addaan iti pannakabalin ken turay” (Kitaen: Assumed Knowledge ken Implicit Information)
Tagikuaendakayonto, ket agbalinkayonto a tawidda
Dagiti tattao nga agnanaed kadagiti bantay ken iti daga ti Israel iti agnanayon ket naibaga a kasla tawiden dagiti tattao dagitoy. Mabalin nga ipatarus daytoy a kas: “Tagikuaendakayonto iti agnanayon” (Kitaen: Metaphor)
saanyonton nga ipalubos a matay dagiti annakda
Nalawag daytoy nga iti napalabas ket natay dagiti annak gapu ta awan ti umanay a taraon iti daga. Ita ket mangipaay ti daga iti umanay a taraon. (Kitaen: Assumed Knowledge ken Implicit Information)