2.0 KiB
Sapasap a Pakaammo:
Itultuloy daytoy ti mensahe nga ibaga ni Ezekiel iti Bantay Seir. Ti mensahe ket para kadagiti amin a tattao ti Edom.
Kastoy ti kinuna ti Apo a ni Yahweh
Mabalin nga ipatarus daytoy a kas: “Siak ti Apo a ni Yahweh, kastoy ti kunak” (Kitaen: First, Second, wenno Third Person)
Pagbalinenkanto a langalang
Ditoy, ti paset ti sao a “ka” manipud iti sao a “paglangalangenkanto” ket dakdakamatenna ti Bantay Seir, ngem ti mensahe ket para kadagiti tattao ti Edom. Mabalin nga ipatarus daytoy a kas: “Gapu iti inaramid dagiti tattaom, pagbalinenkanto a langalang” (Kitaen: Personification and Abstract Nouns)
agragragsak ti entero a daga
Ditoy, ti “daga” ket ibagbagina dagiti tattao ti daga. Ti sao nga “entero” ket pangsapasap a dakdakamatenna laeng dagiti tattao nga asideg iti Bantay Seir. Mabalin nga ipatarus daytoy a kas: “dagiti tattao nga akin-ammo a dinadaelkayo ket agragsak” (Kitaen: Metonymy)
Kas iti panagragsakmo iti tawid dagiti tattao ti Israel gapu iti pannakalangalang daytoy
Sarsaritaen daytoy ti daga nga inted ni Yahweh kadagiti Israelita a kas tawidda. Mabalin nga ipatarus daytoy a kas: “Kas iti panagragsakmo idi pinagbalinko a langalang ti daga dagiti Israelita” (Kitaen: Metaphor)
kastanto met ti aramidek kenka
Dagiti mabalin a kayatna a sawen 1) “pagbalinekto a langalang ti dagam” wenno 2) “agragsakakto inton langalang ti dagam” wenno 3) “pagragsakekto dagiti dadduma a tattao gapu iti panagbalinmo a langalang.”
Agbalinkanto a langalang, Bantay Seir, ken iti entero nga Edom
Itultuloy ni Yahweh nga ibagbaga kenni Ezekiel nga agsao iti Bantay Seir a kasla mangngeg daytoy isuna. Ti mensahe ket para kadagiti tattao ti Edom. Mabalin nga ipatarus daytoy a kas: “Pagbalinenkanto a langalang, Bantay Seir ken amin a taga-Edom” (Kitaen: Personification)
Ket maammoandanto
Ti paset ti sao a “da” manipud iti sao a “maammoandanto” ket mabalin a dakdakamatenna ti 1) “dagiti tattao iti daga” wenno 2) “dagiti tattao iti Israel ken Juda.”