2.5 KiB
Sapasap a Pakaammo:
Itultuloy daytoy ti mensahe nga ibaga ni Ezekiel iti Bantay Seir. Ti mensahe ket para kadagiti amin a tattao ti Edom.
maammoamto a siak ni Yahweh
Idi imbaga ni Yahweh a maammoanto dagiti tattao nga isuna ni Yahweh, ipakpakaawatna a maammoanda nga isuna ti pudno a Dios nga addaan iti kangatoan a turay ken pannakabalin. Kitaen no kasano a naipatarus daytoy idiay Ezekiel 6:7. Mabalin nga ipatarus daytoy a kas: “awatem a siak ni Yahweh, ti pudno a Dios” wenno “amirisem a siak, a ni Yahweh ket addaan iti pannakabalin ken turay” (Kitaen: Assumed Knowledge ken Implicit Information)
gapu ta impaimam ida iti kampilan
Dagiti mabalin a kayatna a sawen daytoy ket 1) “intedmo ida kadagiti kabusorda a nangpapatay kadakuada babaen kadagiti kampilan” wenno 2) “pinapataymo ida babaen kadagiti kampilan.” (Kitaen: Metaphor)
iti tiempo ti pannakariribukda
“iti tiempo ti didigra”
iti naganko nga adda iti agnanayon
“iti naganko nga adda iti agnanayon.” Ar-aramaten ni Yahweh daytoy a panangisao tapno ipakitana a pudno dagiti sumaruno nga ibagana. Maysa daytoy a wagas a panangikari iti napasnaek. Kitaen no kasano a naipatarus daytoy idiay Ezekiel 5:11. Mabalin nga ipatarus daytoy a kas: “Sipapasnekko nga isapata” (Kitaen: Idiom)
kastoy ti pakaammo ti Apo a ni Yahweh
Sarsaritaen ni Yahweh a mismo ti naganna tapno iyebkasna ti kinapudno ti ipakpakaammona. Kitaen no kasano a naipatarus daytoy idiay Ezekiel 5:11. Mabalin nga ipatarus daytoy a kas: “kastoy ti impakaammo ti Apo a ni Yahweh” wenno “siak ti Apo a ni Yahweh, kastoy ti impakaammok” (Kitaen: First, Second, wenno Third Person)
isaganakanto para iti panagsayasay ti dara
Ditoy, ti “panagsayasay ti dara” ket “metonym” ti panangpapatay. Mabalin nga ipatarus daytoy a kas: “aramidekto a nalaka para kadagiti kabusoryo a mangpapatay iti adu kadakayo” (Kitaen: Metonymy)
kamatennakanto ti panagsayasay ti dara
Ditoy, ti “panagsayasay ti dara” ket “metonym” ti panangpapatay. Sarsaritaen ni Yahweh ti panagsayasay ti dara a kasla daytoy ket maysa a tao a mabalin a mangkamat kadakuada. Mabalin nga ipatarus daytoy a kas: “kamatennakayonto dagiti kabusoryo ket papatayennakayonto” (Kitaen: Personification)
Gapu ta saanmo a ginura ti panagsayasay ti dara
Ditoy, ti “panagsayasay ti dara” ket “metonym” ti panangpapatay. Mabalin nga ipatarus daytoy a kas: “Gapu ta saanyo a ginura daytoy idi siuulpit a pinapatay dagiti kabusoryo dagiti tattao ti Israel” (Kitaen: Metonymy)