2.9 KiB
Sapasap a Pakaammo:
Iti kapitulo 34, sarsaritaen ni Yahweh dagiti tattao ti Israel a kasla isuda ket maysa nga arban ti karnero ken dagiti mangidadaulo ti Israel ket dagiti agpaspastor a rumbeng koma a mangaywan iti arban ngem saanda nga inaywanan. (Kitaen: Metaphor)
dimteng kaniak ti sao ni Yahweh
Maysa daytoy nga “idiom” a naaramat tapno ipakaammo ti maysa a banag nga imbaga ti Dios iti profetana wenno kadagiti tattaona. Kitaen no kasano a naipatarus daytoy idiay Ezekiel 3:16. Mabalin nga ipatarus daytoy a kas: “Imbaga ni Yahweh daytoy a mensahe” wenno “Imbaga ni Yahweh dagitoy a sasao” (Kitaen: Idiom)
Anak ti tao
“Anak ti sangkataoan.” Aw-awagan ti Dios ni Ezekiel iti kastoy tapno iyunay-unayna a tao laeng ni Ezekiel. Ti Dios ket agnanayon ken mannakabalin, ngem dagiti tattao ket saan. Kitaen no kasano a naipatarus daytoy idiay Ezekiel 2:1. Mabalin nga ipatarus daytoy a kas: “Mortal a tao” wenno “Tao”
agpaspastor iti Israel
Dagiti mangidadaulo ti Israel ket naibaga a kasla isuda ket agpaspastor. Rumbeng koma nga aywananda dagiti tattaoda a kas kadagiti agpaspastor nga aywananda ti arbanda. Mabalin nga ipatarus daytoy a kas: “dagiti mangidadaulo ti Israel a kas kadagiti agpaspastor” (Kitaen: Metaphor)
a mangipaspastor kadagiti bagbagida
Dagiti mangidadaulo a mangay-aywanan kadagiti bagida a saan ketdi a dagiti tattao ket naibaga a kasla paspastoranda dagiti bagbagida. Mabalin nga ipatarus daytoy a kas: “a pakpakanen ken ay-aywananda dagiti bagbagida” (Kitaen: Metaphor)
Saan kadi a rumbeng a bantayan dagiti agpaspastor ti arban?
Ar-aramaten ni Yahweh daytoy a saludsod tapno tubngarenna dagiti mangidadaulo iti saanda a panangaywan kadagiti tattao. Mabalin nga ipatarus daytoy a kas: “Rumbeng a pakanen ken aywanan dagiti agpaspastor ti arban.” (Kitaen: Rhetorical Question)
Kankanenyo dagiti nalulukmeg a paset … agkawkaweskayo iti lupot a naaramid iti buok ti karnero
Itultuloy daytoy a sarsaritaen dagiti mangidadaulo ti Israel a kasla isuda ket dakes nga agpaspastor a mangpatpatay kadagiti kasasayaatan nga ayup iti arbanda para iti taraon ken kawes. Mabalin nga ipatarus daytoy a kas: “Maiyarigkayo kadagiti agpaspastor a mangmangan kadagiti nalulukmeg a paset … agkawes iti lupot a naaramid iti buok ti karnero” (Kitaen: Metaphor)
Kankanenyo dagiti nalulukmeg a paset
Dagiti nalulukmeg a paset manipud iti karnero ken kadagiti kalding. Mabalin nga ipatarus daytoy a kas: “Kankanenyo dagiti nalulukmeg a paset ti karnero ken dagiti kalding” wenno “Kankanenyo dagiti kasasayaatan a paset ti karnero ken dagiti kalding” (Kitaen: Assumed Knowledge ken Implicit Information)
agkawkaweskayo iti lupot a naaramid iti buok ti karnero
“ikawkawesyo ti lupot a naaramid manipud iti buok ti karnero”
dagiti nalulukmeg
“dagiti kauubingan ken kalulukmegan a karnero ken kalding”
Saankayo a pulos a nagpastor
“saanyo a pakpakanen ken ay-aywanan ti arban”