2.5 KiB
Sapasap a Pakaammo:
Itultuloy ni Yahweh a sarsaritaen kenni Ezekiel ti maipapan kadagiti agnanaed kadagiti nadadael iti Israel.
Iti naganko nga adda iti agnanayon
Ar-aramaten ni Yahweh daytoy a salaysay tapno ipakita a pudno ti sumaruno nga ibagana. Daytoy ket maysa a wagas a panagkari iti napasnek. Kitaen no kasano a naipatarus daytoy idiay Ezekiel 5:11. Mabalin nga ipatarus daytoy a kas: “Isapatak a sipapasnek” (Kitaen: Idiom)
dagiti adda kadagiti nadadael babaen iti kampilan
Ti ragup ti sasao a “mapasagto … babaen iti kampilan” ket maysa nga “idiom”. Mabalin nga ipatarus daytoy a kas: “papatayento dagiti kabusor dagiti agnanaed kadagiti nadadael” (Kitaen: Idiom)
matayto babaen kadagiti didigra dagiti adda kadagiti nasarikedkedan ken kueba
“papatayento dagiti didigra dagiti tattao nga agnanaed kadagiti nasarikedkedan ken kueba”
nasarikedkedan
Ti sarikedked ket maysa a pasdek nga impatakder dagiti tattao tapno masalaknibanda dagiti bagbagida manipud kadagiti kabusor a mangraut kadakuada.
kueba
Dagiti kueba ket dagiti kadawyan nga abut iti sikigan ti bantay wenno iti uneg ti daga. Kadawyan a dagitoy ket kueba a bato.
nakabutbuteng
Ti “abstract noun” a “nakabutbuteng” ket dakdakamatenna ti maysa a banag a pagbutngan dagiti tattao no makitada daytoy. Mabalin nga ipatarus daytoy a kas: “maysa a banag a mangbutbuteng kadagiti tattao” (Kitaen: Abstract Nouns)
agpatingganto ti kinapalangguad ti bileg daytoy
Ti sao a “daytoy” ket dakdakamatenna ti daga, a dakdakamatenna dagiti tattao iti daga. Mabalin nga ipatarus daytoy a kas: “saanton a pulos nga agpalangguad pay dagiti tattao iti daga a napigsada” (Kitaen: Metonymy)
mabaybay-anto dagiti bantay ti Israel
Mabalin nga ipatarus daytoy a kas: “awanto ti agnaed kadagiti bantay iti Israel” (Kitaen: Active wenno Passive)
awanto ti lumabas kadagitoy
“awanto ti uray maysa a mabati nga agdaliasat iti daga wenno kadagiti bantay”
maammoandanto a siak ni Yahweh
Idi imbaga ni Yahweh a maammoanto dagiti tattao nga isuna ni Yahweh, ipagpaganetgetna a maammoandanto nga isuna ti pudno a Dios nga addaan iti kangatoan a turay ken pannakabalin. Kitaen no kasano a naipatarus daytoy idiay Ezekiel 6:7. Mabalin nga ipatarus daytoy a kas: “awatenyo a siak ni Yahweh, ti pudno a Dios” wenno “amirisenyo a siak, a ni Yahweh, ket addaan iti kangatoan a pannakabalin ken turay” (Kitaen: Assumed Knowledge ken Implicit Information)
inaramidda
“inaramid dagiti tattao”