1.6 KiB
dimteng kaniak ti sao ni Yahweh
Maysa daytoy nga “idiom” a naaramat tapno ibaga ti maysa a banag nga imbaga ti Dios iti profetana wenno kadagiti tattaona. Kitaen no kasano a naipatarus daytoy idiay Ezekiel 3:16. Mabalin nga ipatarus daytoy a kas: “Imbaga ni Yahweh daytoy a mensahe” wenno “Imbaga ni Yahweh dagitoy a sasao” (Kitaen: Idiom)
Anak ti tao
“Anak a lalaki ti sangkataoan. Inawagan ti Dios ni Ezekiel iti kastoy tapno iyunay-unayna a tao laeng ni Ezekiel. Agnanayon ken mannakabalin ti Dios, ngem ti tao ket saan. Kitaen no kasano a naipatarus daytoy idiay Ezekiel 2:1. Mabalin nga ipatarus daytoy a kas: “Mortal a tao” wenno “Tao”
kampilan a maibusor iti aniaman a daga
Ti sao a “kampilan” ket dakdakamatenna ti kabusor nga armada a mangraraut. Kasta met a ti “daga” ket dakdakamatenna dagiti tattao nga agnanaed sadiay. Mabalin nga ipatarus daytoy a kas: “maysa nga armada a mangraut kadagiti tattao ti daga” (Kitaen: Metonymy)
agbalin a para-wanawanda
“dutokan isuna a kas para-wanawan” wenno “pagbalinen isuna a para-wanawan”
Siputanna ti kampilan
Ditoy, ti “kampilan” ket ibagbagina ti maysa a kabusor nga armada. Mabalin nga ipatarus daytoy a kas: “Kitkitaenna ti kabusor nga armada” (Kitaen: Metonymy)
saanda nga ipangag
“saan nga ikaskaso ti ballaag”
ti dara ti tunggal maysa ket adda iti bukodda nga ulo
Ditoy, ti “dara” ket ibagbagina ti ipapatay. Ti ragup ti sasao nga “iti bukodna nga ulo” ket maysa nga “idiom” a ti kayatna a sawen ket ti tao ti akin-basol. Mabalin nga ipatarus daytoy a kas: “isuda a mismo ti akin-basol no matayda” (Kitaen: Metonymy ken Idiom)