2.0 KiB
Sapasap a Pakaammo:
Sarsaritaen ti Dios ti panangpakapuyna iti armada ni Faraon a kasla tukkolenna ti takkiag ni Faraon, ken ti armada a saanen a bumileg manen a kasla saanen nga maagasan ti takkiag ni Faraon. (Kitaen: Parables)
Ket napasamak nga
Ditoy, nausar daytoy a ragup ti sasao a mangmarka iti pangrugian iti baro a paset ti istoria. No ti pagsasaoyo ket adda iti wagas iti panangaramid iti daytoy, mabalinyo daytoy nga usaren ditoy. (Kitaen: Introduction of a New Event)
iti maika-sangapulo ket maysa a tawen
Daytoy ti maika-sangapulo ket maysa a tawen kalpasan a maitalaw a kas balud idiay Babilonia ni Ari Jehoiakin. Kitaenyo no kasanoyo nga impatarus daytoy idiay Ezekiel 26:1.
iti maika-pito nga aldaw iti umuna a bulan
“iti maika-pito nga aldaw iti umuna a bulan.” Daytoy ti umuna a bulan iti kalendario dagiti Hebreo. Ti maika-pito nga aldaw ket asideg iti pangrugian ti Abril iti kalendariotayo. (Kitaen: Hebrew Months ken Ordinal Numbers)
immay kaniak ti sao ni Yahweh
Daytoy ket maysa nga ‘idiom’ a nausar a mangipakaammo iti maysa a banag nga imbaga ti Dios kadagiti profetana wenno kadagiti tattaona. Kitaenyo no kasanoyo nga impatarus daytoy idiay Ezekiel 3:16. Mabalin nga ipatarus daytoy a kas: “imbaga ni Yahweh daytoy a mensahe” wenno “imbaga ni Yahweh dagitoy a sasao” (Kitaen: Idiom)
Anak ti tao
“Anak ti sangkataoan.” Inawagan ti Dios ni Ezekiel iti kastoy tapno iyunay-unay a tao laeng ni Ezekiel. Ti Dios ket agnanayon ken mannakabalin, ngem ti tao ket saan. Kitaenyo no kasanoyo nga impatarus daytoy idiay Ezekiel 2:1. Mabalin nga ipatarus daytoy a kas: “tao”
tinukkolko ti takkiag ni Faraon
Ditoy, ti kayat a sawen ti “takkiag” ket ti nabileg nga armada ti ari. (Kitaen: Parables ken Metaphor)
Kitaem
“Kitaem wenno Dumngegka.” Mangnayun iti iyunay-unay daytoy a sao iti sumaruno a maibaga. Mabalin nga ipatarus daytoy a kas: “Ipangagmo ti ibagak kenka”
Saan daytoy a nabedbedan
Mabalin nga ipatarus daytoy a kas: “Awan ti nangbedbed iti takkiagna” (Kitaen: Active wenno Passive)