2.2 KiB
Sapasap a Pakaammo:
Dagitoy ket sasao ni Yahweh maipanggep iti Egipto.
Ket maammoandanto
Dagiti mabalin a kayatna a sawen ket 1) “Ket maammoanto dagiti tattao” wenno 2) “Ket maammoanto dagiti Egipcio.”
maammoandanto a siak ni Yahweh
Ipakpakaawat ni Yahweh a maammoandanto nga isuna ti maymaysa a pudpudno a Dios nga addaan iti kangatoan a turay ken pannakabalin. Kitaenyo no kasanoyo nga impatarus ti kapadana a ragup ti sasao idiay Ezekiel 6:7. Mabalin nga ipatarus daytoy a kas: “maawatandanto a Siak ni Yahweh, ti maymaysa a pudpudno a Dios” wenno “maamirisdanto a Siak a ni Yahweh, ket addaan iti kangatoan a pannakabalin ken turay” (Kitaen: Assumed Knowledge ken Implicit Information)
inton mangpasgedak iti apuy iti Egipto
Ditoy, ti kayat a sawen ti “mangpasgedak iti apuy iti Egipto” ket ti panangibaon iti maysa nga armada a mangraut ken mangpuor iti Egipto. Mabalin nga ipatarus daytoy a kas: “inton ibaonko ti maysa nga armada a mangpuor iti Egipto” (Kitaen: Metonymy)
madadael dagiti amin a mangtultulong kenkuana
Mabalin nga ipatarus daytoy a kas: “Dadaelekto dagiti amin a kadua ti Egipto” wenno “inton dadaelen dagiti armada dagiti amin a tumultulong iti Egipto” (Kitaen: Active wenno Passive)
rummuarto dagiti mensahero a nakabarko tapno butbutngenda ti natalged a Cus
Mapanto ipadamag dagiti mensahero idiay Kus ti pannakadadael ti Egipto, ket agbutengto ti Kus kadagiti damage.
tapno butbutngenda ti natalged a Cus
“tapno butngen ti Cus, a natalged ita”
addanto panagladingit kadakuada iti aldaw a mapasamak iti Egipto dagiti nakabutbuteng a banbanag
Mabalin nga ipatarus ti ‘abstract noun’ a “sanaang” ken “panangukom” babaen kadagiti sasao a “sagaba” ken “dusa.” Mabalin pay nga ipatarus daytoy a kas “agsagabanto met dagiti tattao ti Kus inton dusaek ti Egipto” (Kitaen: Abstract Nouns)
Kitaem
Ditoy, ti sao a “kitaem” ket mangnayun iti pannakaiyunay-unay dagiti sumaruno a pasamak. Mabalin pay nga ipatarus daytoy a kas “pudno!”
Um-umayen daytoy
Ti “daytoy” ket maipapan iti “nakaro nga ut-ot” wenno “nakaro a liday” a mariknanto ti Kus inton madusada agraman ti Egipto.