1.9 KiB
Sapasap a Pakaammo:
Ibagbaga ni Ezekiel ti maipanggep iti maysa a mensahe nga inted kenkuana ni Yahweh.
Immay kaniak ti sao ni Yahweh
Daytoy ket maysa nga ‘idiom’ a nausar a mangipakaammo iti maysa a banag nga imbaga ti Dios kadagiti profetana wenno kadagiti tattaona. Kitaenyo no kasanoyo nga impatarus daytoy idiay Ezekiel 3:16. Mabalin nga ipatarus daytoy a kas: “imbaga ni Yahweh daytoy a mensahe” wenno “imbaga ni Yahweh dagitoy a sasao” (Kitaen: Idiom)
Anak ti tao
“Anak ti sangkataoan.” Inawagan ti Dios ni Ezekiel iti kastoy tapno iyunay-unay a tao laeng ni Ezekiel. Ti Dios ket agnanayon ken mannakabalin, ngem dagiti tattao ket saan. Kitaenyo no kasanoyo nga impatarus daytoy idiay Ezekiel 2:1. Mabalin nga ipatarus daytoy a kas: “tao”
Idung-awmo
“Aganug-og iti saem.” Daytoy a bilin ket para iti Egipto ken para kadagiti nasion iti aglawlaw ti Egipto.
Asi pay ti dumteng nga aldaw
Mabalin nga ipatarus daytoy a kas: “O, dayta nga aldaw” wenno “O, anian a nakabutbuteng ti umadanin nga aldaw” (Kitaen: Exclamations)
Asidegen ti aldaw
“Umadanin dayta nga aldaw”
Asidegen ti aldaw para kenni Yahweh
Saan a nalawag nga iti dayta nga aldaw, dusaento ni Yahweh dagiti tattao. Mabalin nga ipatarus daytoy a kas: “Umadanin ti aldaw a panangdusanto ni Yahweh kadakayo” (Kitaen: Assumed Knowledge ken Implicit Information)
Aldawto daytoy dagiti ulep
Ti kayat a sawen ti nangisit nga ulep ket ti peggad ken buteng. Mabalin nga ipatarus daytoy a kas: “Maiyarigto daytoy iti maysa nga aldaw nga addaan kadagiti nangisit nga ulep” wenno “Nakabutbutengto daytoy a kas iti maysa nga aldaw nga addaan kadagiti nangisit nga ulep” (Kitaen: Metaphor)
tiempo a mapasamakto dagiti nakabutbuteng a banbanag kadagiti nasion
Mabalin nga ipatarus daytoy a kas: “ti tiempo a mapasamakto ti nakabutbuteng a banbanag kadagiti nasion” (Kitaen: Abstract Nouns)