2.7 KiB
Sapasap a Pakaammo:
Ibagbaga ni Yahweh kenni Ezekiel ti ibagana kadagiti tattao ti Ammon.
Denggenyo ti sao ti Apo a ni Yahweh
“Denggenyo daytoy a mensahe a naggapu kenni Yahweh”
Kinunayo, “Aha!”
“nagragragsakkayo.” Ti sao nga “Aha” ket balikas nga isawang dagiti tattao no kasta a naragsakda maipanggep iti maysa a banag. Iti daytoy a paset, naragsak dagiti tattao gapu kadagiti dakes a napasamak iti Israel ken Juda.
maibusor iti santuariok idi natulawan daytoy
Mabalin nga ipatarus daytoy a kas iti: “maibusor iti santuariok idi tinulawan daytoy ti armada ti kabusor” (Kitaen: Active or Passive)
maibusor iti daga … maibusor iti balay
“iti rabaw ti daga … iti balay”
ti balay ti Juda
Ti sao a “balay” ket dakdakamatenna ti pamilya nga agnanaed iti balay, iti daytoy a paset, dakdakamatenna dagiti kaputotan ni Juda iti adun a tawen. Kitaem no kasanoyo nga impatarus dagitoy a sasao idiay Ezekiel 3:1. Mabalin nga ipatarus daytoy a kas iti: “ti bunggoy dagiti tattao iti Juda” wenno “dagiti tattao iti Juda” (Kitaen: Metonymy)
dumngegkayo
“pudno.” Ti sao a “dumngegkayo” ket iyunay-unayna dagiti sumarsaruno.
Iyawatkayo kadagiti tattao iti daya a kas sanikuada
Sarsaritaen daytoy ti maipanggep iti panangsakup ti kabusor nga armada iti daga ti Ammon ken panangtagikua iti daga a ken amin a banag nga adda iti daytoy a kasla tagikuaen ti kabusor dagiti tattao iti Ammon a kas sanikuada. Saan a nadakamat ditoy nga innala dagiti kabusor dagiti tattao ti Ammon a kas tagabuda. Mabalin nga ipatarus daytoy a kas iti: “Ipaluboskonto nga umay ken sakupennakayo ti maysa nga armada a naggapu iti daga nga adda iti dayaenyo” (Kitaen: Metaphor)
mangipatakderdanto iti kampoda a maibusor kadakayo ken iyaramidda dagiti toldada iti ayanyo
“Mangiyaramiddanto kadagiti toldada ken agnaedda iti pagilianyo”
pagpaaraban kadagiti arban ti talon dagiti tattao nga Ammon
Ditoy, ti ragup ti sasao a “dagiti tattao” ket dakdakamatenna ti daga a kukua dagiti tattao nga Ammon. Mabalin nga ipatarus daytoy a kas iti: “ti dadduma a paset ti daga ti Ammon ket pagpasturan kadagiti arban” (Kitaen: Metonymy and Ellipsis)
maammoanyonto a Siak ni Yahweh
No kasta nga imbaga ni Yahweh a maammoanto dagiti tattao nga isu ket ni Yahweh, ipakpakaawatna a maammoandanto nga isu ti maymaysa ken pudpudno a Dios nga addaan iti kangatoan a turay ken pannakabalin. Kitaem no kasanoyo nga impatarus daytoy idiay Ezekiel 6:7. Mabalin nga ipatarus daytoy a kas iti: “maawatanyonto a Siak ni Yahweh, ti maymaysa ken pudpudno a Dios” wenno “maamirisyonto a Siak a ni Yahweh, ket addaan iti kangatoan a pannakabalin ken turay” (Kitaen: Assumed Knowledge and Implicit Information)