1.8 KiB
immay kaniak ti sao ni Yahweh
Daytoy ket nausar a mangipakaammo iti maysa a banag nga imbaga ti Dios kadagiti profetana wenno kadagiti tattaona. Kitaem no kasano a naipatarus daytoy idiay Ezekiel 3:16. Mabalin nga ipatarus daytoy a kas iti: “imbaga ni Yahweh daytoy a mensahe” wenno “imbaga ni Yahweh dagitoy a sasao” (Kitaen: Idiom)
Anak ti tao
“Anak ti sangkataoan.” Kastoy ti pangaw-awag ti Dios kenni Ezekiel tapno iyunay-unayna a tao laeng ni Ezekiel. Ti Dios ket adda iti agnanayon ken mannakabalin, ngem ti tattao ket saan. Kitaem no kasano a naipatarus daytoy idiay Ezekiel 2:1. Mabalin nga ipatarus daytoy a kas iti: “Mortal a tao” wenno “tao”
isangom ti rupam kadagiti tattao ti Ammon
Daytoy ket maysa a bilin a panangmatmat kadagiti tattao iti Ammon a simbolo iti pannakadusada. Mabalin nga ipatarus daytoy a kas: “matmatam dagiti tattao iti Ammon” wenno “matmatam dagiti tattao ti Ammon tapno madangranda” (Kitaen: Symbolic Action)
isangom ti rupam kadagiti tattao ti Ammon
Ti Ammon ket adayo, isu a saan a makita ni Ezekiel dagiti tattao sadiay, ngem ti panangmatmatna iti dayta a paset ket maysa a simbolo iti panangdangran kadagiti tattao. Kitaem no kasanoyo nga impatarus ti kapadana a ragup ti sasao idiay Ezekiel 6:2. Mabalin nga ipatarus daytoy a kas iti: “Sumangoka kadagiti tattao ti Ammon ket matmatam ida” wenno “kumitaka iti Ammon tapno dagiti tattao ket madangran” (Kitaen: Symbolic Action)
tattao ti Ammon
“dagiti kaputotan ti Ammon” wenno “dagiti agnanaed iti daga ti Ammon”
agipadtoka maibusor kadakuada
“ipadtom ti maipanggep kadagiti dakes a banbanag a mapasamakto kadakuada.” Ti kaipapanan daytoy ket ti panagipadto iti maipanggep kadagiti nakaam-amak a mapasamakto kadagiti tattao ti Ammon. Kitaem no kasano a naipatarus ti kapadana a ragup ti sasao idiay Ezekiel 14:7.