1.6 KiB
Sapasap a Pakaammo:
Itultuloy ni Yahweh ti panangiyarigna a dakdakamatenna dagiti siudad ti Jerusalem ken Samaria a kasla la dagitoy ket dua a balangkantis. (Kitaen: Metaphor)
Mapnuankanto iti panagbartek ken panagladingit
Sarsaritaen daytoy ti kasta unay a pannakabartek ken pannakapunno iti ladingit a kasla la ti pannakabartek ken panagladingit ket banbanag a maikarga iti bagina. Mabalin nga ipatarus daytoy a kas iti: “Mabartekkanto iti kasta unay ken nalidaykanto iti kasta unay” (Kitaen: Metaphor)
kopa ti nakabutbuteng ken pannakadadael
“ti kopa a pakaigapuan ti panagbuteng wenno pannakadadael.” Dagiti sasao a “nakabutbuteng” ken “nadadael” ditoy ket mangibingay iti agpadpada a kaipapanan ken mangiyunay-unay no kasano a kaal-alinggaget ti pannakadusananto. Mabalin nga ipatarus daytoy a kas iti: “ta ti linaon dayta a kopa ket mangparnuay iti nakabutbuteng ken pannakadadael” (Kitaen: Doublet)
ti kopa ti kabsatmo a Samaria
Ti kabsat ni Oholiba a ni Ohola ket ibagbagina ti Samaria. Naawagan ti Samaria babaen iti nagan daytoy ngem nadakamat met laeng a kas maysa a kabsat. Ti kopa ket pagilasinan iti pannusa a naawatna. Mabalin nga ipatarus daytoy a kas iti: “ta daytoy met laeng ti kopa ti pannakadusa a naginuman ti kabsatmo a mangibagbagi iti Samaria” (Kitaen: Metaphor)
kastoy ti pakaammo ni Yahweh
Dakdakamaten ni Yahweh ti mismo a naganna tapno iyunay-unayna ti kinapudno ti ipakpakaammona. Kitaem no kasano a naipatarus daytoy idiay Ezekiel 5:11. Mabalin nga ipatarus daytoy a kas iti: “kastoy ti impakaammo ni Yahweh” wenno “kastoy ti impakaammok, Siak a ni Yahweh” (Kitaen: First, Second, or Third Person)