1.6 KiB
Sapasap a Pakaammo:
Itultuloy ni Yahweh ti panangiyarigna a dakdakamatenna dagiti siudad ti Jerusalem ken Samaria a kasla la dagitoy ket dua a balangkantis. Daytoy a panangiyarig ket nagtultuloy agingga idiay Ezekiel 23:34. (Kitaen: Metaphor)
Mapasamakto kenka dagitoy a banbanag gapu iti ar-aramidem
Mabalin nga ipatarus daytoy a kas iti: “Mapasamakto kenka dagitoy a banbanag gapu iti tignaymo.” (Kitaen: Active or Passive)
kasla iti aramid ti maysa a balangkantis, pinaggartemam dagiti agsasabali a nasion
Dakdakamaten ni Ezekiel ni Oholiba, a mangibagbagi iti Juda (Ezekiel 23:4), a kasla maysa isuna a balangkantis a makikakaidda kadagiti lallaki kadagiti adu a nasion para iti kuarta. Kayatna nga ipakaawat kadagiti tattao ti Juda a dusaento ida ni Yahweh gapu ta daydayawenda dagiti didiosen kadagiti dadduma a nasion tapno maalada ti kinabaknang ken bileg dagidiay a nasion. Mabalin nga ipatarus daytoy a kas iti: “agtigtignay a kasla maysa a balangkantis, pinaggartemanna dagiti agsasabali a lallaki kadagiti dadduma a nasion” (Kitaen: Metonymy)
nagbalinka a narugit gapu kadagiti didiosenda
Nagbalin isuna a narugit gapu iti panagdaydayawna kadagiti didiosenda. Mabalin nga ipatarus daytoy a kas iti: “nagbalin a narugit gapu iti panagdaydayawna kadagiti didiosenda” (Kitaen: Assumed Knowledge and Implicit Information)
isu nga ikabilkonto iti imam ti kopa ti pannakadusana
Maipapan daytoy ti pannakadusa a maawatto ni Oholiba a kasla la maysa daytoy a kopa iti arak. Mabalin nga ipatarus daytoy a kas iti: “isu nga ipaluboskonto a madusaka a kas iti pannakadusa ti kabsatmo. (Kitaen: Metaphor)