2.4 KiB
Sapasap a Pakaammo
Iyas-asping ni Yahweh dagiti mangidadaulo ti Jerusalem iti maysa a pader ken inyaspingna a mismo ti bagina iti maysa nga armada a mangsaksakup. (Kitaen: Metaphor)
maysa a tao manipud kadakuada a mabalin a mangbangon iti pader
Daytoy ket dakdakamatenna ti maysa a tao a mangibaklay iti responsibilidad tapno agkararag para kadagiti tattao ken tapno idalanna ida iti panagbabawi a kasla dayta a tao ket mangibangon iti pader tapno salaknibanna dagiti tattao manipud kenni Yahweh. Mabalin nga ipatarus daytoy a kas iti: “maysa a tao manipud kadakuada nga agtignay a kasla mangbangon isuna iti pader” (Kitaen: Metaphor)
mangipatakder iti nadadael a paset ti pader iti sangoanak
Daytoy a “nadadael” ket dakdakamatenna ti rengngat ti pader. Daytoy ket dakdakamatenna ti tao a mangikankanawa kadagiti tattao iti sangoanan ni Yahweh a kasla maysa isuna a mannakigubat nga agtaktakder iti nadadael a paset daytoy tapno salaknibanna ti siudad.
daytoy a daga tapno saanko a dadaelen daytoy
Ditoy, ti sao a “daga” ket dakdakamatenna dagiti tattao nga agnanaed sadiay. Mabalin nga ipatarus a kas iti: “para kadagiti tattao tapno saanko ida a dadaelen” (Kitaen: Metonymy)
idissuorkonto ti nakaro a pungtotko kadakuada
Dakdakamaten daytoy ti panangdusa ni Yahweh kadagiti tattao a kasla la likido ti pungtotna nga ibukbokna kadakuada. Mabalin nga ipatarus a kas iti: “Dusaekto dagiti tattao gapu iti nakaro a pungtotko kadakuada” wenno “Dusaekto dagiti tattao gapu iti ungetko kadakuada” (Kitaen: Metaphor)
nakaro a pungtotko
Dakdakamaten daytoy ti saan a pannakaay-ayo wenno panagpungtot maibusor iti maysa a banag a nadangkes.
Gibusakto ida gapu iti aggilgil-ayab a pungtotko
Dakdakamatenna daytoy ti kinakaro ti panangukom ni Yahweh babaen iti pangiyaspingna iti apuy. Ditoy, ti panangdadael kadagiti tattao ket nadakamat a kas “pananggibus kadakuada. Mabalin nga ipatarus daytoy a kas iti: “Dadaelekto ida gapu iti kasta unay a pungtotko a kas iti gumilgil-ayab nga apuy” wenno “Dadaelekto ida gapu iti pungtotko” (Kitaen: Metaphor and Euphemism)
isublik kadagiti mismo nga uloda dagiti dakes a wagasda
Ti panangikabil iti maysa a banag iti ulo ti maysa a tao ket dakdakamatenna ti panangipabaklay kadakuada kadagiti dadagsen wenno panangipabaklay iti responsibilidad para iti daytoy. Mabalin nga ipatarus daytoy a kas iti: “bay-am a baklayenda ti responsibilidad gapu kadagiti inar-aramidda” (Kitaen: Synecdoche)