2.7 KiB
Sapasap a Pakaammo:
Itultuloy ni Yahweh ti agsarsarita kadagiti tattao iti Jerusalem babaen iti pannakisaritana a mismo iti siudad ti Jerusalem a kasla la maysa daytoy a babai. (Kitaen: Apostrophe and Metonymy and Metaphor)
ti panangpasayasay iti dara nga adda iti katengngaam
“ti panangpapatay dagiti tattao nga adda kenka”
Nakiredto pay kadi ti pusom, napigsanto pay kadi dagiti imam kadagiti aldaw inton Siak a mismo ti sumango kenka?
Us-usaren ni Yahweh dagitoy a ragup ti sasao tapno iyunay-unayna no kasanonto kaut-ot ti mariknada inton dusaenna ida. Mabalin nga ipatarus a kas iti: “Awanton kired ti pakinakemyo ken awanton pigsa dagiti imayo inton Siak a mismo ti mangdusa kadakayo.” (Kitaen: Rhetorical Question)
Nakiredto pay kadi ti pusom
Ditoy, ti kasasaad ti maysa a tao ket nadakamat babaen iti “pusona” tapno iyunay-unay ti karirikna ken ti pagayatanna. Mabalin nga ipatarus daytoy a kas iti: “Makatakderkanto pay kadi” wenno “Naturedkanto pay kadi” (Kitaen: Synecdoche and Idiom)
napigsanto pay kadi dagiti imam
Ditoy, ti kasasaad ti maysa a tao ket nadakamat babaen kadagiti “imana.” Mabalin nga ipatarus daytoy a kas iti: “napigsakanto pay kadi?” (Kitaen: Synecdoche)
Isu nga iwarawarakayonto kadagiti nasion ken iwaraskayonto iti entero a daga
Agpadpada ti kaipapanan dagitoy a ragup ti sasao. Kitaem no kasanom nga impatarus ti kapadana a ragup ti sasao idiay Ezekiel 12:15. Mabalin nga ipatarus a kas iti: “Isu a pagsisinaekto ida ken pagnaedek ida kadagiti agduduma a nasion” (kitaen: Parallelism)
dalusakto
ikkaten dagiti saan a makaay-ayo
Isu nga agbalinkanto a narugit iti imatang dagiti nasion
Ditoy, dagiti “nasion” ket dakdakamatenna dagiti tattao nga agnanaed kadagitoy a lugar. Dagiti “mata” ket ibagbagina ti panagkita, ken ti panagkita ket ibagbagina ti kapanunotan wenno panangikeddeng. Mabalin nga ipatarus a kas iti: “Isu a dagiti nasion ket ibilangdakayonto a narugit” (Kitaen: Metaphor)
dagiti nasion
Ditoy, dagiti “nasion” ket dakdakamatenna dagiti tattao nga agnanaed kadagitoy a lugar. Mabalin nga ipatarus a kas iti: “dagiti tattao kadagiti dadduma a nasion” (Kitaen: Metonymy)
maammoamto a Siak ni Yahweh
No kasta nga ibaga ni Yahweh a maammoanto dagiti tattao nga isuna ni Yahweh, ipakpakaawatna a maammoandanto nga isuna laeng ti pudno a Dios nga addaan iti kangangatoan a turay ken pannakabalin. Kitaem no kasanom nga impatarus daytoy idiay Ezekiel 6:7. Mabalin nga ipatarus daytoy a kas iti: “maawatanyo a Siak ni Yahweh, a pudpudno a Dios” wenno “maamirisyo a Siak a ni Yahweh, ket addaan iti kangatoan a pannakabalin ken turay” (Kitaen: Assumed Knowledge and Implicit Information)