3.2 KiB
Sapasap a Pakaammo:
Itultuloy ni Yahweh ti agsao babaen kenni Ezekiel maipanggep kadagiti nakaal-alinggaget nga inar-aramid dagiti tattao iti Jerusalem. Makisarsarita ni Yahweh kadagiti tattao iti Jerusalem a kasla isuda a mismo ti siudad, ken iti siudad ti Jerusalem a kasla la maysa daytoy a babai. (Kitaen: Apostrophe and Metonymy and Metaphor)
nga adda kenka
Iti amin a nakausaran daytoy a ragup ti sasao, dakdakamaten ti nagsurat dagiti tattao iti Jerusalem a kasla isuda a mismo ti siudad, ken ti siudad ti Jerusalem ket kasla maysa daytoy a babai. Mabalin nga ipatarus daytoy a kas iti: “adda iti daytoy a siudad” wenno “kadakayo a tattao iti Jerusalem” (Kitaen: Apostrophe and Metonymy and Metaphor)
Makitkita kenka ti kinalamo-lamo ti maysa nga ama
Ti kayat a sawen daytoy ket kakaiddaen ti maysa nga anak a lalaki ti asawa dagiti amada. [Ngem saan a kayat a sawen daytoy ket ti asawa ti amada a mismo nga inada.] Mabalin nga ipatarus daytoy a kas iti: “adda dagiti lallaki a kaiddaenda ti asawa dagiti ammada” (Kitaem: Euphemism)
Ginundawayanda dagiti natulawan a babbai nga adda kenka kabayatan iti panagbinulanna … makikamkamalala kadagiti assawa ti kaarrubana … lallaki nga ibabainda dagiti bukodda a manugang a babbai … manggundaway kadagiti bukodda a kabsat a babbai
Amin dagitoy ket wagas iti panangibaga a dagiti lallaki ket makikakaiddada kadagiti babbai a saan koma a rumbeng a pakikaiddaanda ken no kasano kadakes dagiti aramidda. Mabalin nga ipatarus daytoy a kas iti: “Ramramesenda dagiti narugit a babbai kabayatan iti panagbinulanda … nagaramidda kadagiti makarimon babaen iti panakikakaiddada kadagiti assawa dagiti kaarrubada … tulawanda dagiti manugangda a babbai babaen iti panangkakaiddada kadakuada … ramesenda dagiti bukodda a kabsat a babbai” (Kitaen: Assumed Knowledge and Implicit Information)
natulawan
Maysa a tao a saan a maibilang iti imatang ti Dios wenno ti natulawan ket naibaga a kasla naimpisikalan a narugit dayta a tao. Maibilang a narugit dagiti babbai kabayatan iti panagbinulanda. (Kitaen: Metaphor)
tapno mangpasayasayda iti dara
Ditoy, ti dakdakamaten ti panangpasayasay iti dara ket ti panangpapatay kadagiti tattao. Mabalin nga ipatarus a kas iti: “tapno mangpapatay kadagiti tattao” (Kitaen: Metaphor)
dinadaelmo dagiti kaarrubam babaen iti panangparpardayam kadakuada
Ti kayat a sawen daytoy ket indadanesda dagiti kaarrubada babaen iti panangsingsingirda kadakuada iti dakkel unay a porsiento. Mabalin nga ipatarus daytoy a kas iti: “indadanesyo dagiti kaarrubayo ken pinagbalinyo ida a nakurapay” wenno “pinagbalinyo a nakurapay dagiti kaarrubayo babaen iti panangsingsingiryo kadakuada iti dakkel unay a porsiento” (Kitaen: Assumed Knowledge and Implicit Information)
linipatnak
Ti saan a panagtulnog kenni Yahweh ket kasla iti pananglipat nga adda isuna. (Kitaen: Metaphor)
Kastoy ti pakaammo ni Yahweh
Sarsaritaen ni Yahweh ti mismo a naganna tapno iyunay-unayna ti kinapudno ti ipakpakaammona. Kitaem no kasanom nga impatarus daytoy idiay Ezekiel 5:11. Mabalin nga ipatarus daytoy a kas iti: “kastoy ti impakaammo ti Apo a Yahweh” wenno “Siak a ni Yahweh, kastoy ti impakaammok” (Kitaen: First, Second, or Third Person)