2.2 KiB
Mainayon a palawag ken Pakaammo
Itultuloy ni Yahweh nga iladawan ti kampilanna a ti dakdakamatenna ket ti aramada ti kabusor nga usarento ni Yahweh a mangraut iti Jerusalem. (Kitaen: Metaphor)
Tapno agkebba ti pusoda
Dakdakamaten daytoy ti nalaus a panagbuteng dagiti tattao nga urayla agkebbakebba dagiti barukongda. Mabalin nga ipatarus a kas titi: “tapno agbutengda iti kasta unay” wenno “tapno butbutngen ida” (Kitaen: Metaphor)
tapno umadu dagiti pakaitibkulanda
Ditoy, “dagiti pakaitibkulanda” ket dakdakamatenna dagiti tattao a napapatay iti gubat. Ti kayat a sawen daytoy ket adunto ti bilang dagiti tattao a mapapatay. Mabalin nga ipatarus a kas iti: “tapno mapapatay ti adu a tattao a kakaduada” (Kitaen: Metonymy)
inkabilko ti mammapatay a kampilan
Ditoy, ibagbagi ti kampilan ni Yahweh dagiti lallaki nga addaan kadagiti kampilan a mangraut iti Jerusalem. Mabalin nga ipatarus daytoy a kas iti: “nangdutokak kadagiti soldado a nakaigam kadagiti kampilan kadagiti ruanganda, a nakasagana a mangpapatay kadagiti tattao” (Kitaen: Metaphor and Abstract Nouns)
kadagiti ruanganda
Ti sao a “da” ket dakdakamatenna dagiti tattao ti Jerusalem.
Naaramid daytoy a kasla kimat
Iyas-asping daytoy ti pannakapasileng ti kampilan, ken no kasano ti panaggilap daytoy a kasla kimat. Mabalin nga ipatarus daytoy a kas iti: “Napasileng ti kampilanko ken aggilgilap a kasla kimat” wenno “Napasileng daytoy ket aggilgilap a kasla kimat” (Kitaen: Simile)
Tumagbatka iti kannawan! Tumagbatka iti kannigid! Mapanka iti sadinoman a kayat a papanan dagiti tademmo
Ditoy, makisarsarita ni Yahweh iti maysa a kampilan tapno iyunay-unayna nga isuna ti makaammo kadagiti mapaspasamak kabayatan ti irarautda. Ti ragup ti sasao a “sadinnoman a kayat a papanan dagiti tademmo” ket maysa nga “idiom”. Mabalin nga ipatarus daytoy a kas iti: “Imbagak kadagiti rumaraut a nakaigam kadagiti kampilan, ‘Tumagbatda iti kannawan! … Rumautkayo iti sadinnoman a paset”’ (Kitaen: Apostrophe and Idiom)
agtipatakto
Ditoy, ti panagtipat ket panangipakita iti panagballigi. Mabalin nga ipatarus a kas iti: “ipalakpakko dagiti imak gapu iti balligik” (Kitaen: Symbolic Action)