2.7 KiB
Mainayon a Palawag ken Pakaammo:
Itultuloy ni Yahweh ti panangiladawanna iti kampilanna a ti dakdakamatenna ket ti armada ti kabusor nga usarennanto a mangraut iti Jerusalem. (Kitaen: Metaphor)
iti kasta aggilap a kasla kimat
Ti kayat a sawen daytoy ket tapno agbalinto a nasileng ti kampilan a nalaka a maanninawan iti lawag daytoy. Mabalin nga ipatarus daytoy a kas iti: “tapno aggilap daytoy a kas iti lawag ti kimat” (Kitaen: Simile)
Rumbeng aya nga agrag-otayo iti setro ti anakko?
Daytoy a saludsod ket iyunay-unayna a saanto nga agrambak dagiti tattao iti Israel gapu iti bileg ti arida, gapu ta daytoy ket saanna a malapdan ti “kampilan.” Mabalin nga ipatarus daytoy a kas iti: “Saanto nga agrambak dagiti tattao iti Juda maipanggep iti setro ti arida.” wenno “saan a rumbeng nga agrambaktayo gapu iti setro ti aritayo.” (Kitaen: Rhetorical Question)
Rumbeng …tayo
Ti sao a “tayo” (agrag-otayo) ket dakdakamatenna ni Ezekiel ken dagiti tattao iti Israel. (Kitaen: Inclusive “Datayo”)
iti setro ti anakko
Ditoy, dakdakamaten ni Yahweh ti ari ti Juda a kas anakna. Ti setro ti ari ket ibagbagina ti panagturayna a kas ari. Napateg a pagtalinaeden ditoy ti langa ti setro ti ari, a kas kadagiti sasao a “tunggal kasta a baston” a mangdakdakamat iti setro. Mabalin nga ipatarus daytoy a kas iti: “iti setro ti ari” wenno “iti bileg nga ibagbagi ti setro ti ari” (Kitaen: Metonymy)
Ti um-umay a kampilan ket kagurgurana unay ti tunggal kasta a baston
Ditoy, ti sao a “kampilan” ket naisao a kasla tao nga um-umay a mangraut kadagiti tattao. Sarsaritaen daytoy ti maipanggep iti ari nga awan kabaelanna a manglapped iti “kampilan”, a kasla la ti “kampilan” ket bumusbusor iti setro ti ari. Mabalin nga ipatarus daytoy a kas iti: “parmekento ti kampilan ti bileg ti setro ti ari a kas iti siasinoman a dadduma pay nga agturturay” wenno “ta saanton a malapdan ti ari inton maiyeg ti kampilan a maibusor kenkuana” (Kitaen: Personification)
kasta a baston
Daytoy a ragup ti sasao ket nausar a manguyaw iti setro ti ari babaen iti panangawagna iti daytoy a kas maysa a “baston.” Mabalin nga ipatarus daytoy a kas iti: “kasta a setro” (Kitaen: Irony)
maipaimanto ti kampilan tapno mapasileng
Mabalin nga ipatarus daytoy a kas iti: “Pasilengekto ti kampilan” (Kitaen: Active or Passive)
kalpasanna, tapno petpetan ti ima
Mabalin nga ipatarus daytoy a kas iti: “ket iggamanto daytoy ti naikari a tao” (Kitaen: Active or Passive)
napasileng daytoy tapno maited iti ima ti maysa a mammapatay
Mabalin nga ipatarus daytoy a kas iti: “nakasaganan daytoy nga usaren ti mammapatay” (Kitaen: Active or Passive)