2.1 KiB
Sapasap a Pakaammo:
Itultuloy ni Yahweh nga it-ited kenni Ezekiel ti mensahena kadagiti panglakayen ti Israel.
Apay aya a rugitanyo dagiti bagbagiyo babaen iti panangtuladyo kadagiti aramid dagiti nagannakyo?
Sinaludsod ni Yahweh daytoy a saludsod tapno tubngarenna dagiti tattao. Mabalin a maipatarus daytoy a kas: “Saan a rumbeng a rugitanyo dagiti bagbagiyo babaen iti panangaramidyo kadagitoy a banbanag nga inaramid dagiti nagannakyo.” (Kitaen: Rhetorical Question)
Apay aya a rugitanyo dagiti bagbagiyo
Ti tao a saan a maikari kadagiti panggep ti Dios ket nadakamat a kasla naimpisikalan a narugit dayta a tao. (Kitaen: Metaphor)
apay aya nga agtigtignaykayo a kasla balangkantis, nga agbirbirok kadagiti makarimon a banbanag?
Sinaludsod ni Yahweh daytoy a saludsod tapno tubngarenna dagiti tattao. Mabalin a maipatarus daytoy a kas: “Saan a rumbeng nga agtignaykayo a kas balangkantis, nga agbirbirok kadagiti makarimon a banbanag.” (Kitaen: Rhetorical Question)
apay aya nga agtigtignaykayo a kasla balangkantis
Sarsaritaen ni Yahweh dagiti tattao a saan a napudno kenkuana a kasda la agtigtignay a kasla kadagiti babbai a makikakaidda kadagiti lallaki a saanda nga asawa. (Kitaen: Simile)
pinuoranyo dagiti annakyo a lallaki
Nalawag a pinuoranda dagiti annakda tapno idaton ida a kas daton a mapuoran amin kadagiti didiosen. Ilawlawag daytoy a ragup ti sasao no kasanoda nga idatdaton dagiti sagutda. Mabalin a maipatarus daytoy a kas: “idi indatonyo dagiti annakyo a kas daton a mapuoran amin” wenno “babaen iti panangpuoryo kadagiti annakyo”(Kitaen: Assumed Knowledge ken Implicit Information)
Isu a rumbeng kadi a mapagsaludsodandak, O balay ti Israel?
Sinaludsod ni Yahweh daytoy a saludsod tapno tubngaren dagiti tattao. Mabalin a maipatarus daytoy a kas: “Saankayo a palubosan nga umasideg kaniak, O balay ti Israel.” (Kitaen: Rhetorical Question)
Iti naganko a sibibiag a Dios
Inusar ni Yahweh daytoy a salaysay tapno ipakitana nga awan duadua a pudno ti sumaruno nga ibagana. Wagas daytoy iti panagkari a sipapasnek. Mabalin a maipatarus daytoy a kas: “Sipapasnek nga isapatak” (Kitaen: Idiom)