1.2 KiB
Sapasap a Pakaammo:
Sarsaritaen ni Yahweh ti maipanggep iti tarigagayna para kadagiti nadangkes a tattao.
Agragsakak aya unay iti pannakatay ti nadangkes ket saan nga iti panangtallikudna iti dalanna tapno agbiag isuna?
Sinaludsod ni Yahweh daytoy tapno iyunay-unayna ti kabaliktaran. Mabalin a maipatarus daytoy a kas: “Saanak a maragsakan iti ipapatay ti nadangkes … ngem maragsakanak unay no tallikudanna ti wagasna tapno agbiag isuna.” (Kitaen: Rhetorical Question)
kastoy ti pakaammo ti Apo a ni Yahweh
Sarsaritaen a mismo ni Yahweh ti naganna tapno iyebkas ti kinasigurado ti ipakpakaammona. Kitaenyo no kasanoyo nga impatarus daytoy idiay Ezekiel 5:11. Mabalin a maipatarus daytoy a kas: “kastoy ti impakaammo ti Apo a ni Yahweh” wenno “kastoy ti pakaammok, Siak, nga Apo a Yahweh” (Kitaen: First, Second, or Third Person)
saan nga iti panangtallikudna iti dalanna
Sarsaritaen ni Yahweh ti kababalin iti panagbiag ti maysa a tao a kasla daytoy ket dalan a pagpagnaan dayta a tao. Ti kaipapanan ti idiom a “tallikudan” ti maysa a banag ket ti panangisardeng iti panangaramid iti dayta a banag. Mabalin a maipatarus daytoy a kas: “saan nga iti panagsardengna iti wagas ti panagbiagna” (Kitaen: Metaphor ken Idiom)