2.4 KiB
Adda sumagmamano kadagiti panglakayen ti Israel nga immay kaniak ket nagtugawda iti sangoanak
Nagtugaw dagiti panglakayen iti sangoanan ni Ezekiel tapno makiumanda iti Apo babaen kenni Ezekiel. (Kitaen: Metonymy and Metaphor and Active or Passive)
immay ti sao ni Yahweh kaniak
Daytoy ket maysa a panangibaga a mangipakaammo iti maysa a banag nga imbaga ti Dios kadagiti profetana wenno kadagiti tattaona. Kitaem no kasanom nga impatarus daytoy idiay Ezekiel 3:16. Mabalin nga ipatarus a kas iti: “Imbaga ni Yahweh daytoy a mensahe” wenno “Imbaga ni Yahweh dagitoy a sasao” (Kitaen: Idiom)
Anak ti tao
“Anak ti maysa a tao” wenno “Anak ti sangkataoan.” Kastoy ti pangaw-awag ti Dios kenni Ezekiel tapno iyunay-unayna a ni Ezekiel ket maysa laeng a tao. Ti Dios ket adda iti agnanayon ken mannakabalin, ngem dagiti tattao ket saan. Mabalin nga ipatarus a kas iti: “Mortal a tao” wenno “Tao”
impapuso dagitoy a lallaki panagdayawda kadagiti didiosenda
Sarsaritaen ni Yahweh ti maipanggep iti panagdaydayaw dagiti panglakayen kadagiti didiosen a kasla inkabil dagiti panglakayen kadagiti pusoda dagiti didiosen. Mabalin nga ipatarus a kas iti: “nagserbianda dagiti didiosenda”
knangikabilda iti sangoananda iti pakaitibkulanda a makagapu iti panagbasolda
Sarsaritaen ni Yahweh ti maipanggep kadagiti didiosen a daydayawen dagiti panglakayen a kasla la dagitoy ket bangen a pakaitibkulan dagiti panglakayen, ken ti kinapasnek a panagdayaw kadagidiay a didiosen ket kasla da la inkabil dagidiay a pakaitibkulanda iti mismo a sangoananda. Mabalin nga ipatarus a kas iti: “ipapilitda ti panagdaydayawda kadagiti banag a mangiturong kadakuada iti panagbasol” (Kitaen: Metaphor)
a makagapu iti panagbasolda
Dagiti mabalin a kaipapananna ket 1) dagiti didiosen ket isu dagiti banag a pakaitibkulan, a mangiturong kadagiti panglakayen iti panagbasol wenno 2) ti panagdayaw kadagiti didiosen ket maysa a nadagsen a basol a pakaigapuan ti pannakaitibkol(panagbasol) dagiti panglakayen.
Rumbeng kadi pay la a pagdamagandak?
Imbaga ni Yahweh daytoy tapno iyunay-unayna a saan a rumbeng nga agdamag dagiti panglakayen kenkuana. Mabalin nga ipatarus daytoy a kas salaysay. Mabalin met nga ipatarus a kas iti: “Rumbeng kadi a palubosak ida nga agdamag kaniak? Wenno “Saanen a rumbeng nga agdamagda kaniak.” (Kitaen: Rhetorical Question and Active or Passive)