2.1 KiB
Sapasap a Pakaammo:
Kadagitoy a bersikulo, sarsaritaen ni Yahweh ti saan a pudno a kinatalged nga imbaga dagiti profeta kadagiti tattao a kasla la nangaramidda iti saan a nalagda a pader ket pinintoranda daytoy iti puraw tapno agbalin a napintas. (Kitaen: Metaphor)
Gapu iti daytoy
Ti sao a “daytoy” ket dakdakamatenna dagiti profeta nga agibagbaga kadagiti saan a pudno a sirmata kadagiti tattao ken agibagbaga kadakuada iti inuulbod.
inyaw-awanda dagiti tattaok
Sarsaritaen ni Yahweh ti panangal-allilaw dagiti profeta kadagiti tattao ken ti panangpamatida kadakuada kadagiti inuulbod a kasla inyaw-awanda ida iti dalan a rumbeng koma a pagnaanda. (Kitaen: Metaphor)
agar-aramidda iti pader a pintorandanto iti puraw
Ditoy, ti “pader” ket ibagbagina ti kappia ken talged nga imbaga dagiti palso a profeta kadagiti tattao nga ikarkari ni Yahweh nga itedna kadakuada. (Kitaen: Metaphor)
mangpinpintor iti pader iti puraw a pintor
Ti sao a “pintor a puraw” ket ti puraw a likido wenno pintor a mausar a manglingid kadagiti rugit ti pader wenno diding ken mamagbalin a puraw iti rabaw ti maysa banag.
mangitinnagakto kadagiti uraro, ken addanto napigsa a bagyo a mangrebba iti daytoy
Dakdakamaten ni Yahweh ti pannusa nga ipalak-amna kadagiti tattao a daytoy ket kasla la maysa a napigsa unay a bagyo a mangrebba iti pader. (Kitaen: Metaphor)
Uraro
Nagbubukel a yelo nga agtinnag manipud tangatang no adda napigsa a tudo.
Saan kadi nga imbaga dagiti dadduma kadakayo, "Sadino ti ayan ti impintoryo a puraw?"'
Imbaga ni Yahweh daytoy tapno iyunay-unayna nga addanto agsaludsod kadagiti profeta no ania ti napasamak kadagiti impintorda a puraw. Mabalin nga ipatarus a kas iti: “Awan duadua nga ibaganto dagiti dadduma kadakayo, ‘Sadino ti ayan ti impintoryo iti daytoy a puraw?’” (Kitaen: Rhetorical Question)
Sadino ti ayan ti impintoryo a puraw?
Dagiti mabalin a kaipapananna ket 1) mabalin a daytoy ket maysa a pudno a saludsod a namnamaen ken sungbatan dagiti tattao wenno 2) daytoy ket maysa a pammasagid. Mabalin nga ipatarus a kas iti: “Awan serserbi ti impintoryo a puraw.” (Kitaen: Rhetorical Question)