1.9 KiB
Sapasap a Pakaammo:
Itultuloy ni Yahweh ti panangibagbagana kenni Ezekiel iti mensahena iti Israel.
Kinabutengyo ti kampilan, isu nga iyegko kadakayo ti kampilan
Ti sao a “kampilan” ket maysa a panangibaga a ti dakdakamatenna ket dagiti soldado a mangpatay kadagiti tattao babaen kadagiti kampilan. Mabalin met nga ipatarus a kas iti: “Kabutengyo ti gubat, isu a mangiyegak kadagiti kabusoryo a mangraut kadakayo” (Kitaen: Metonymy)
Kastoy ti pakaammo ni Yahweh nga Apo
Sarsaritaen a mismo ni Yahweh ti naganna tapno iyebkasna ti kinapudno ti ibagbagana. Kitaem no kasanom nga impatarus daytoy idiay Ezekiel 5:11. Mabalin met nga ipatarus a kas iti: “kastoy ti impakaammo ti Apo a ni Yahweh” wenno “Siak a ni Apo a ni Yahweh, kastoy ti impakaammok” (Kitaen: First, Second, or Third Person)
iyawatkayonto kadagiti ima
Ditoy, ti dakdakamaten ti sao nga “ima” ket ti kinabileg wenno turay. Mabalin met nga ipatarus a kas iti: “iyawatkayto iti kinabileg dagiti ganggannaet” wenno “ikkak iti kabaelan dagiti ganggannaet a mangtiliw kadakayo” (Kitaen: Metonymy)
Mapasagkayonto babaen iti kampilan
Ti sao a “kampilan” ket maysa a panangibaga a ti dakdakamatenna ket dagiti soldado a mangpapatay kadagiti tattao babaen kadagiti kampilan. Mabalin met nga ipatarus a kas iti: “Papatayendakayto babaen kadagiti kampilanda” wenno “Mataykayto iti gubat” (Kitaen: Metonymy)
maammoanyonto a siak ni Yahweh
No kasta nga ibaga ni Yahweh a maammoanto dagiti tattao nga isuna ni Yahweh, iyunay-unayna a maammoandanto nga isuna ti maymaysa a pudno a Dios nga addaan iti kangangatoan a turay ken mannakabalin unay. Kitaem no kasanom nga impatarus daytoy idiay Ezekiel 6:7. Mabalin met nga ipatarus a kas iti: “maawatanyonto a siak ni Yahweh, ti maymaysa a pudno a Dios” wenno “maamirisyonto a Siak a ni Yahweh ket addaan iti kangangatoan a pannakabalin ken turay” (Kitaen: Assumed Knowledge and Implicit Information)