1.4 KiB
Sapasap a Pakaammo:
Itultuloy ni Ezekiel nga ibaga ti maipapan iti sirmata.
Anak ti tao
“Anak ti maysa a tao” wenno “Anak ti sangkataoan.” Kastoy ti pangaw-awag ti Dios kenni Ezekiel tapno iyunay-unayna a ni Ezekiel ket maysa laeng a tao. Ti Dios ket adda iti agnanayon ken mannakabalin, ngem dagiti tattao ket saan. Kitaem no kasanom nga impatarus daytoy idiay Ezekiel 2:1. Mabalin met nga ipatarus a kas iti: “Mortal a tao” wenno “Tao”
Ti tiempo a panangipatakder kadagiti balbalay ket saan pay nga ita
Ipakpakita daytoy a marikna dagiti tattao a natalgedda unay, isu a saanda a madanagan iti maipanggep iti panangipatakderda ita iti balbalay. Iti dadduma a patarus ket kastoy ti panangipatarusda, “Ita ti tiempo ti panangipatakder kadagiti balaytayo.” Mabalin a kayat a sawen daytoy a kayat dagiti tattao ti agipatakder kadagiti balayda gapu ta natalgedda.
daytoy a siudad ket maiyarig iti kaldero ket datayo dagiti karne.
Dakdakamaten dagiti tattao dagiti mismo a bagbagida a kasla isuda ket karne a nasayaat ti pannakaiwana ken ti siudad ket kasla maysa a kaldero a pakaidulinan wenno pakailutoanna. Mabalin met nga ipatarus a kas iti: “Daytoy a siudad ket kasla kaldero a mangsalaknib kadatayo a kas iti pannakaidulin ti karne iti kaldero tapno saan a maan-ano daytoy. (Kitaen: Metaphor)
maiyarig iti kaldero
Dagiti mabalin a kaipapananna ket 1) maysa a kaldero a pakaidulinan ti karne wenno 2) maysa a kaldero a pangilutoan iti karne.