993 B
Sapasap a Pakaammo:
Itultuloy ni Yahweh ti pannakisarsaritana kenni Moises. Imbagana ditoy ti masapul nga aramiden ni Moises ken dagiti tattao.
agbalin daytoy a palab-og kadakayo
Dagiti tattao a mangsulisog kadagiti sabali tapno agbasol ket dakdakamatenna a kasla isuda ket maysa a palab-og. Mabalin nga ipatarus daytoy a kas: “sulisogendaka nga agbasol” wenno “agbasolkanto a kas iti ar-aramidenda”
a ti naganna ket "Naimun,"
Ti sao a “nagan” ditoy ket iparparangarangna ti kababalin ti Dios. Mabalin nga ipatarus daytoy a kas: “Siak ni Yahweh a kankanayon a managimon”
siak ni Yahweh a ti naganna ket ‘Naimun,’
Ti kayat a sawen ti sao a “Naimun” ditoy ket kayat a saluadan ti Dios ti dayawna. No agrukbab dagiti tattao iti sabali a dios, mapukaw ti dayawna, gapu ta no saan a dayawen dagiti tattaona isuna, saanto met a dayawen isuna dagiti sabali a tattao.Mabalin nga ipatarus daytoy a kas: “Siak ni Yahweh a kankanayon a mangsaluad iti dayawko”