1.8 KiB
Sapasap a Pakaamo:
Itultuloy ni Moises ti makisarsarita kadagiti tattao ti Israel.
Dakayo dagiti tattao… maysakayo a nasion… pinilinakayo
Dakdakamatenna dagiti Israelita. Karaman ni Moises a maysa a paset dagiti tattao. Mabalin nga ipatarus a kas: “Dakami dagiti tattao…maysakami a nasion…pinilinakami”
Saanyo a sugaten dagiti bagbagiyo, wenno kiskisan ti aniaman a paset ti rupayo para iti natay
Dagitoy ket wagas dagiti bunggoy ti tattao nga agnanaed iti Canaan, ipakpakitada nga agledleddaangda kadagiti tattao a natay. Ibagbaga ni Moises kadagiti Israelita a saanda nga agtignay a kasla kadakuada. Mabalin nga aramiden a nalawag ti kaipapanan daytoy. (Kitaen: Symbolic Action and Assumed Knowledge and Implicit Information)
wenno kiskisan ti aniaman a paset ti rupayo
“wenno kiskisan ti mugingyo”
Ta maysakayo a nasion… iti rabaw ti daga
Ipatarus dagitoy a sasao a kas iti inaramidyo idiay 7:6.
maysakayo a nasion a nailasin para kenni Yahweh a Diosyo
Ti panangpili ni Yahweh kadagiti Israelita tapno maibilang a kukuana/kenkuana iti naisangsangayan a wagas ket naisao a kas inlasinna ida ni Yahweh manipud kadagiti amin a dadduma a nasion. Mabalin a maibaga daytoy iti “active form.” Mabalin nga ipatarus a kas: “Inlasinnakayo ni Yahweh a Diosyo kadagiti dadduma a nasion” (Kitaen: Metaphor ken Active or Passive)
pinilinakayo ni Yahweh nga agbalin a tattaona para iti bukodna a sanikua
Agpada a ti kayat a sawen dagitoy ket kukua ni Yahweh dagiti Israelita iti naisangsangayan a wagas. (Kitaen: Parallelism)
tattaona para iti bukodna a sanikua
“dagiti tattao nga ipatpategna a sanikua” wenno “dagiti tattaona”
ad-adda ngem kadagiti amin a tattao nga adda iti rabaw ti daga
“kadagiti amin a bunggoy ti tattao iti lubong”