2.3 KiB
Magnakayo a sumurot kenni Yahweh a Diosyo
Naisao ti panagtultulnog ken panagdaydayaw kenni Yahweh a kasla makipagna wenno sumursurot dagiti tattao kenni Yahweh. Mabalin nga ipatarus a kas: “Agtulnogkayo kenni Yahweh” (Kitaen: Metaphor)
agtulnogkayo iti timekna
Ti “timek” ditoy ket ibagbagina ti ibagbaga ni Yahweh. Mabalin nga ipatarus a kas: “agtulnogkayo iti ibagbagana” (Kitaen: Metonymy)
kumpetkayo kenkuana
Naisaio ti addaan iti nasayaat a pakainaigan kenni Yahweh ken ti naan-anay a panagtalek kenkuana a kasla kumkumpet ti tao kenni Yahweh. Mabalin nga ipatarus a kas: “agtalek kenkuana” (Kitaen: Metaphor)
Mapapatayto
Mabalin nga ipatarus a kas: “masapul a papatayenyo” (Kitaen: Active or Passive)
nagsao isuna iti panagsukir
Mabalin nga ipatarus a kas: “pinadasnakayo a pagbalinen a nasukir” (Kitaen: Abstract Nouns)
ti nangsubbot kadakayo manipud iti balay ti pannakaadipen
Ti panangispal ni Yahweh kadagiti tattao ti Israel manipud iti pannakatagabu idiay Egipto ket naisao a kasla nagbayad ni Yahweh tapno masubbot dagiti tattaona iti pannakatagabuda. Mabalin nga ipatarus a kas: “a nangispal kadakayo iti lugar a nakatagtagabuanyo” (Kitaen: Metaphor)
balay ti pannakaadipen
Ditoy ti “balay ti pannakaadipen” ket ibagbagina ti Egipto a nakatagabuan dagiti tattao ni Yahweh. Mabalin nga ipatarus a kas: “ti Egipto a nakatagabuanyo” (Kitaen: Metonymy)
Tartarigagayan dayta a profeta nga ilisidakayo iti dalan nga imbilin ni Yahweh a Diosyo a pagnaanyo
Ti kayat ti Dios a panagbiag wenno panagtignay ti maysa a tao ket naisao a kasla maysa a pagnaan wenno dalan a kayat ni Yahweh a pagnaan dagiti tattaona. Ti panangpaspasardeng ti maysa a tao iti siasinoman nga agtultulnog iti Dios ket naisao a kasla paspasardengen ti maysa a tao ti sabali a tao a magmagna iti dalan wenno pagnaan ti Dios. Mabalin nga ipatarus a kas: “pagsukirennakayo nga agtulnog kadagiti imbilin ni Yahweh a Diosyo” (See: Metaphor)
Isu nga ikkatenyo dagiti dakes kadakayo
Ditoy “ti dakes” ket dakdakamatenna ti dakes a tao wenno ti dakes a kababalin. Mabalin nga ipatarus a kas: “Isu a masapul nga ikkatenyo kadagiti Israelita ti tao nga agar-aramid iti dakes a banag” wenno “Masapul a papatayenyo daytoy dakes a tao” (Kitaen: Nominal Adjectives)