1.6 KiB
dinangran ni Yahweh dagiti taga-Etiopia iti sangoanan ni Asa ken ti Juda
Ti panangted ni Yahweh iti kabaelan iti armada ti Juda a mangparmek kadagiti taga-Etiopia ket naibaga a kasla kinabil ti Dios dagiti taga-Etiopia. Mabalin nga ipatarus daytoy a kas: “Inikkan ti Dios iti kabaelan ni Asa ken ti armada ti Juda a mangparmek kadagiti taga-Etiopia” (Kitaen: Metaphor)
adu unay a taga-Etiopia ti napasag ket saandan a makabangon
Dagiti mabalin a kayatna a sawen ket 1) “Adu unay a taga-Etiopia ti natay ket saanen a makabangon ti armada” wenno 2) “Adu unay a taga-Etiopia ti natay ket awan ti nabati a sibibiag.”
adu unay a taga-Etiopia ti napasag
Ditoy, ti kayat a sawen ti “napasag” ket ti pannakatay iti gubat. Mabalin nga ipatarus daytoy a kas: “Adu ngarud a taga- Etiopia ti natay” (Kitaen: Euphemism)
ta naan-anay a nadadaelda iti sangoanan ni Yahweh ken iti armadana
Mabalin nga ipatarus daytoy a kas: “ta naan-anay ida a dinadael ti armada ni Yahweh” (Kitaen: Active wenno Passive)
ta immay kadagiti agnanaed sadiay ti panagbuteng kenni Yahweh
Ti panagbuteng dagiti agnanaed kadagiti barrio ket naibaga a kasla maysa a banag ti buteng nga immay kadakuada. Dagiti mabalin a kayatna a sawen ket 1) dakdakamatenna ti “panagbuteng kenni Yahweh” ti panagbuteng a nagtaud kenni Yahweh. Mabalin nga ipatarus daytoy a kas: “ta pinagbuteng ni Yahweh dagiti agnanaed sadiay” wenno 2) dakdakamaten ti “panagbuteng kenni Yahweh” ti panagbuteng kenni Yahweh. Mabalin nga ipatarus daytoy a kas: “ta nagbuteng kenni Yahweh dagiti agnanaed sadiay” (Kitaen: Metaphor)