1.9 KiB
Rinaut ngarud ni Sisak, nga ari ti Egipto, ti Jerusalem
Ti ragup ti sasao a “ni Sisak nga ari ti Egipto” ket dakdakamatenna ni Sisak a kaduana ti armada nga Egipcio. Kitaenyo no kasanoyo nga impatarus daytoy idiay 2 Cronicas 12:2. Mabalin nga ipatarus daytoy a kas: “ni Sisak nga ari ti Egipto a kaduana ti armadana, rinautda ti Jerusalem” (Kitaen: Metonymy)
Rinaut
Kitaenyo no kasanoyo nga impatarus daytoy idiay 2 Cronicas 12:2. Mabalin nga ipatarus daytoy a kas: “dinarup” (Kitaen: Idiom)
iti balay ni Yahweh
Ditoy, ti kayat a sawen ti sao a “balay” ket ti templo. Mabalin nga ipatarus daytoy a kas: “ti templo ni Yahweh” (Kitaen: Metonymy)
dagiti kalasag a balitok nga inaramid ni Solomon
Kasasayaatan no ipatarusyo daytoy tapno maawatan dagiti agbasa a tinulongan dagiti dadduma a tattao ni Solomon a nangaramid kadagitoy a kalasag. Mabalin nga ipatarus daytoy a kas: “dagiti kalasag a balitok nga impaaramid ni Solomon kadagiti tattaona nga agar-aramid iti kalasag” (Kitaen: Metonymy)
Nangaramid ni Ari Rehoboam kadagiti kalasag a bronse
Kasasayaatan no ipatarusyo daytoy tapno maawatan dagiti agbasa a tinulongan dagiti dadduma a tattao ni Rehoboam a nangaramid kadagitoy a kalasag. Mabalin nga ipatarus daytoy a kas: “impaaramid ni Rehoboam kadagiti tattaona nga agar-aramid iti kalasag dagiti bronse a kalasag” (Kitaen: Metonymy)
a kasukat dagitoy
“a kasukat dagiti kalasag a balitok”
intalekna dagitoy kadagiti ima dagiti panguloen
Ditoy, ti kayat a sawen dagiti sasao a “kadagiti ima” ket ti panangaywan wenno pagrebbengan. Mabalin nga ipatarus daytoy a kas: “pinagbalinna dagitoy a pagrebbengan dagiti mangidadaulo” (Kitaen: Metonymy)
a mangbanbantay kadagiti ruangan ti balay ti ari
Ditoy, ti kayat a sawen dagiti sasao a “dagiti ruangan” ket ti pagserkan. Mabalin nga ipatarus daytoy a kas: “a mangbanbantay iti pagserkan iti balay ti ari” (Kitaen: Metonymy)