2.1 KiB
saan ida nga impangag ti ari
Ditoy, ti kayat a sawen ti “saan a panangipangag kadagiti tattao” ket ti saan a panangikaskaso iti kinunada wenno saan a panangaramid iti kiniddawda. Mabalin nga ipatarus daytoy a kas: “saan nga inaramid ti ari ti kiniddawda nga aramidenna” wenno “saan ida nga inkaskaso ti ari” (Kitaen: Metonymy)
Ania ti bingaymi kenni David? Awan tawidmi iti anak ni Jesse
Inusar dagiti tattao daytoy a saludsod tapno mailawlawag nga agsipud ta saanda a maibilang iti pamilia ni David, saanda a pagrebbengan a tulongan ti apoko ni David, a ni Ari Rehoboam. Mabalin nga ipatarus daytoy a kas: “Awan ti bingaymi kenni David. Saankami nga agaramid iti aniaman para kadagiti kaputotan ti putot ni Jesse” (Kitaen: Rhetorical Question ken Assumed Knowledge ken Implicit Information)
Ania ti bingaymi kenni David?
Ti kayat a sawen ti kaadda iti bingay iti maysa a tao ket ti panagbalin a kaputotanna ken panangaw-awat iti nasasayaat a banbanag nga aw-awaten dagiti kaputotan. Mabalin nga ipatarus daytoy a kas: “Saankami a maibilang iti pamilia ni David” (Kitaen: Metonymy)
Awan tawidmi iti anak ni Jesse
Ditoy, ti ragup ti sasao a “putot ni Jesse” ket dakdakamatenna ni David a putot ni Jesse. Ti kayat a sawen ti kaadda iti tawid iti maysa a tao ket ti panagbalin a kaputotanna ken panangaw-awat iti nasasayaat a banbanag nga aw-awaten dagiti kaputotan. Mabalin nga ipatarus daytoy a kas: “Saankami nga umawat iti tawid manipud iti putot ni Jesse” wenno “Awan ti aramidenmi para kadagiti kaputotanna” (Kitaen: Metonymy)
Rumbeng nga agsubli ti tunggal maysa kadakayo iti toldana
Ditoy, ti kayat a sawen ti “tolda” ket dagiti pagtaengan dagiti tattao. Mabalin nga ipatarus daytoy a kas: “Agawidkayo kadagiti pagtaenganyo, tattao ti Israel” (Kitaen: Metonymy)
Ita, kitaem ti bukodmo a balay, David
Ditoy, ti sao a “kitaem” ket dakdakamatenna ti panangaywan iti maysa a banag, ken ti sao a “balay” ket dakdakamatenna ti kaputotan ni David nga addaan iti turay ken pannakaidayaw. Mabalin nga ipatarus daytoy a kas: “Ita, aywanam ti bukodmo a pagarian, kaputotan ni David” (Kitaen: Idiom ken Metonymy)