970 B
Idi nakita ti reyna ti Seba ti kinasirib ni Solomon ken ti palasio a binangonna
Ditoy, ti kayat a sawen ti “nakita ... ti kinasirib ni Solomon” ket ti pannakapaneknek a kasta unay ti kinasirib ni Solomon. Mabalin nga ipatarus daytoy a kas: “Idi napaneknekan ti reyna ti Seba ti kinasirib ni Solomon, ken idi nakitana ti palasio a binangonna” (Kitaen: Metaphor)
ti palasio a binangonna
Insurat ti nangisurat ti maipanggep iti panangibangon dagiti trabahador ni Solomon iti palasiona a kasla isuna a mismo ti nangibangon iti daytoy. Mabalin nga ipatarus daytoy a kas: “ti palasio ni Solomon nga impaibangonna kadagiti trabahadorna” wenno “ti palasio nga imbilinna kadagiti trabahadorna nga ibangonda” (Kitaen: Metonymy)
dagiti para-idasarna iti arak
“dagiti para-idasar iti arakna.” Dagitoy dagiti adipen a mangramraman iti arak ti ari tapno masigurado nga awan sabidong daytoy. No natalgeden nga inumen ti arak, idasarda daytoyen iti ari.