2.9 KiB
dimteng kenni Natan ti sao ti Dios a kinunana
Ti “idiom” a “dimteng ti sao ti Dios kenni” ket nausar a mangibaga iti naisangsangayan a mensahe manipud iti Dios. Mabalin nga ipatarus daytoy a kas: “Nangted ti Dios iti mensahe kenni Natan. Kinunana,” wenno “Imbaga ti Dios daytoy a mensahe kenni Natan:” (Kitaen: Idiom)
kinunana, "Mapanka ket ibagam kenni David nga adipenko, 'Kastoy ti kinuna ni Yahweh: Saannak nga ipatakderan iti balay a pagnaedak
Mabalin nga ipatarus daytoy a kas: “kinunana, ‘Mapanka ket ibagam kenni David nga adipenko a saan nga isuna ti mangipatakder iti balay a pagnaedak” (Kitaen: Quotes Within Quotes and Direct and Indirect Quotations)
impatakderan iti balay
ipatakderan iti balay Ditoy ti kayatna a sawen ti “balay” ket templo. Idiay 1 Cronicas 17:10 imbaga ni Yahweh nga ipatakderanna iti balay ni David. Idiay, ti kayatna a sawen ti “balay”, ket pamilia. No ti pagsasaoyo ket addaan iti sao a mabalin a mangyebkas iti agpada a kapanunotan, usarem daytoy ditoy ken idiay 17:10.
nga impanko ti Israel
Ti nalawag a pakaammo ket, dakdakamatenna daytoy ti Dios a nangiruar iti Israel manipud iti daga iti Egipto. Mabalin nga ipatarus daytoy a kas: “ket impanko dagiti Israelita iti naikari a daga manipud iti daga ti Egipto” (Kitaen: Assumed Knowledge and Implicit Information)
iti tolda, iti maysa a tabernakulo
Agpada nga iladladawan dagiti sasao a “tolda” ken “tabernakulo” ti agpada a banag ken iyunay-unayda a nagnaed isuna iti lugar a saan a permanente a pasdek. (Kitaen: Doublet)
adda kadi ti aniaman nga imbagak iti siasinoman a mangidadaulo ti Israel a dinutokak a mangaywan kadagiti tattaok, a kinunak, "'Apay a saandak nga impatakderan iti balay a naaramid iti sedro?"
Mabalin nga ipatarus daytoy a kas: “dinamagko kadin iti siasinoman a mangidadaulo kadagiti Israelita, a dinutokak a mangaywan kadagiti tattaok, apay a saandak nga impatakderan iti balay a naaramid iti sedro? (Kitaen: Quotes Within Quotes and Direct and Indirect Quotations)
iti kaanoman, adda kadi ti aniaman nga imbagak iti siasinoman a pangulo ti Israel
Mabalin nga ipatarus daytoy a kas: “Awan pulos ti imbagak iti siasinoman a pangulo iti Israel” (Kitaen: Rhetorical Question)
a dinutokak a mangaywan kadagiti tattaok
Naibaga a dagidiay a mangidadaulo kadagiti tattao iti Israel ket kasla agpaspastorda ken dagiti tattao ket karneroda. (Kitaen: Metaphor)
Apay a saandak a impatakderan iti balay a naaramid iti sedro?
No dinamag ni Yahweh kadagiti mangidadaulo daytoy a saludsod, mabalin a nagusar isuna iti saludsod a mangunget kadakuada ta saanda nga impatakderan isuna iti balay a naaramid iti sedro. Ngem imbaga ni Yahweh iti un-unana a saanna a dinamag kadakuada daytoy a saludsod. Mabalin nga ipatarus daytoy a kas: “Rumbeng koma nga impatakderandak iti balay a naaramid iti sedro.” (Kitaen: Rhetorical Question)